मुक्त कमलरी विकास मञ्चके जिल्ला अध्यक्षमे इन्द्रा चौधरी

पहुरा समाचारदाता
धनगढी, २० अगहन । मुक्त कमलरी विकास मञ्च कैलाली जिल्लाके १५ औ वार्षिक साधारणसभा तथा सामाजिक लेखाजोखा ओ ६ ठौ अधिवेशन इन्द्रा चौधरी अध्यक्ष पदमे निर्वाचित हुइल बटै ।

मञ्चके उपाध्यक्षमे लक्ष्मी चौधरी (घोडाघोडी नगरपालिका), सचिवमे सुस्मिता चौधरी (भजनी नगरपालिका), कोषाध्यक्षमे रन्जिता चौधरी (टिकापुर नगरपालिका) रहल बटै । ओस्टेक जिल्ला सदस्यमे रन्जु चौधरी (लम्की चुहा नगरपालिका, मनिषा चौधरी (कैलारी गाउपालिका) ओ दिलमाया चौधरी (जोशीपुर गाउँपालिका) रहल बटै ।

उहीसे आघे मुक्त कमलरी विकास मञ्च कैलालीके जिल्ला अध्यक्ष विन्द्रा चौधरीके अध्यक्ष्तामे हुइल कार्यक्रममे सुदूरपश्चिम प्रदेशके मुख्यमन्त्री कमल बहादुर शाह अतिथि, घोडाघोडी नगरपालिका नगरप्रमुख खडक बहादुर रावत, भजनी नगरपालिकाके नगर प्रमुख केवल चौधरी, मुक्त कमलरी विकास मन्च केन्द्रिय अध्यक्ष हिरामोती चौधरी विशिस्ट पहुना ओ टमान सस्था प्रतिनिधीहुकनके सहभागिता रहे ।