मुख्यमन्त्री शाह ओ अध्यक्ष ढकालबिच भेटवार्ता
पहुरा समाचारदाता
धनगढी, २२ अगहन । सुदूरपश्चिम प्रदेशके मुख्यमन्त्री कमलबहादुर शाह ओ नेपाल उद्योग वाणिज्य महासंघके अध्यक्ष चन्द्र ढकालबिच भेटवार्ता हुइल बा ।
मुख्यमन्त्री निवासमे डुनु बिच भेटवार्ता हुइल हो । औपचारिक भेटके क्रममे अध्यक्ष ढकाल सुदूरपश्चिम प्रदेश लगानी सम्मेलनको अवसरमे महासंघसे तयार पारल सुदूरपश्चिम प्रदेशमे लगानी सम्भावना, अवसर तथा चुनौती स्थितिपत्र–२०८१ मुख्यमन्त्रीहे हस्तान्तरण करल रहिट ।
स्थतिपत्र ग्रहण कैटी मुख्यमन्त्री शाह सुदूरपश्चिम प्रदेशमे लगानीके सम्भावना विशाल रहल चर्चा करल रहिट । उहाँ लगानी अनुकूल वातावरण निर्माणहे प्रदेश सरकारसे प्राथामिकता डेहल बटैलै । निजी क्षेत्रहे विश्वासमे लेके आघे बह्रना प्रतिवद्धता व्यक्त कैटी मुख्यमन्त्री सुदूरपश्चिमके कर्णाली–चिसापानी क्षेत्रमे पाँच अर्ब रुपियाँ लगानीमे केवलकार परियोजना सञ्चालन कैके प्रदेशमे लगानीमैत्री वातावरण बनैना टेवा पुगाइलमे ढकालहे धन्यवाद डेहल रहिट ।
अध्यक्ष ढकाल सुदूरपश्चिममे पर्यटन, कृषि, धार्मिक तथा जलस्रोत क्षेत्रमे अपार सम्भावना रहल बटाइल रहिट । उहाँ यी प्रदेशमे बरवार लगानी आकर्षित कैना महासंघ प्रतिवद्ध रहल उल्लेख कैटी थप्लै, “चिसापानीमे पाँच अर्बमे निर्माण हुइटी रहल केवलकार परियोजनासे यी प्रदेशके आर्थिक विकासमे टेवा पुग्ना बा ।”
अध्यक्ष ढकाल अन्तर्राष्ट्रिय सिमानासंग लग्गे रहल सुदूरपश्चिम प्रदेशके अन्तर्राष्ट्रिय लगानीके अवसर फेन बह्रल उल्लेख करलै । नेपाललमे नकारात्मक धारणासे फेन सकारात्मक उर्जा ओ लगानीमैत्री सोंच आवश्यक रहल उहाँके कहाइ रहे ।
