बालबालिकाके लाग सार्वजनिक वित्त व्यवस्थापन सम्बन्धी अभिमुखीकरण
पहुरा समाचारदाता
धनगढी, १ पुुस । कैलारी गाउँपालिकामे मंगरके रोज बालबालिकाके लाग सार्वजनिक वित्त व्यवस्थापन सम्बन्धी दुई दिने अभिमुखीकरण कार्यक्रम सुरु हुइल बा ।
सामुदायिक विकास केन्द्र(सिडिसी) डोटीके आयोजनामे यूनिसेफके सहयोग तथा कैलारी गाउँपालिकाके सहकार्यमे बालबालिकाके लाग सार्वजनिक वित्त व्यवस्थापन सम्बन्धी दुई दिने अभिमुखीकरण कार्यक्रम सुरु हुइल हो ।
कैलारी गाउँपालिका सामाजिक विकास समितिके संयोजक तथा वडा नम्बर ३ के वडा अध्यक्ष सन्तराम चौधरीके अध्यक्षतामे हुइल कार्यक्रममे यूनिसेफे सामाजिक नीति कार्यक्रम अधिकृत प्रकाश आचार्य बालबालिका अवस्थाबारे प्रस्तुतीकरण करल रहिट । सुदूरपश्चिम प्रदेशमे बालबालिका घरमुली रहल परिवार संख्या शुन्यसे १४ बर्षके १५ सय ८मे लउण्डा ७४७ ओ लउण्डी ८४१ रहल रहल जनैलै । १५से १९ बरससमके ८ सय ६५ मे लउण्डा ४३ सय ८० ओ लउण्डी ४४ सय ८५ रहल जनैलै ।
विद्यालय भर्ना दर ९७.७ प्रतिशत, मध्य माध्यमिक तह ९ से १२ निर भर्नादर ५५ प्रतिशत, प्रदेशमे बहुआयमिक गरिबी ३९.५ प्रतिशत, राष्ट्रिय गरिबी दर १७.४ केल्ह रहल बा । बालमुत्युदर प्रति १ हजारमे सुपमे ४९, राष्ट्रिय तथ्यांक २३ रहल बा । ओस्टेक कुपोषित बालबालिका १४ प्रतिशत रहल उहाँ जनैलै ।
कैलाली बहुमुखी क्याम्पसके प्राध्यपक राजेन्द्रविर चन्द बालबालिकाके लाग सार्वजनिक वित्त व्यवस्थापन सम्बन्धी पालिकासे कैगिल प्रयासबारे, बजेट, मुख्य आधार, नेपालके विद्यामन कानून, करसम्बन्धी प्रस्तुतीकरण तथा छलफल करैले रहिट ।
अभिमुखीकरण कार्यक्रममे वडाहुँक्रे, सामुदायिक विकास केन्द्र(सिडिसी) डोटीके कार्यक्रम संयोजक तिलक चौधरी, कार्यक्रम अधिकृत करुणा चौधरी, कैलारी गाउँपालिकाके टमान विषयगत शाखाके प्रमुखहुक्रे, कार्यपालिका सदस्यहुकनके सहभागिता रहे । कार्यक्रमके संचालन सामाजिक विकास शाखा प्रमुख यगम कलेल करल रहिट । अभिमुखीकरण कार्यक्रम आज बुधसम संचालन रना बा ।
