नेपाली कम्युनिष्ट पार्टीसे क्षेत्र–३ के लाग सात जाने सिफारिस
पहुरा समाचारदाता
धनगढी, १२ पुस । अइना फागुन २१ गते तोकल निर्वाचनके लाग नेपाली कम्युनिष्ट पार्टी (नेकपा) कैलाली निर्वाचन क्षेत्र नम्बर ३ से सात जानेक नाम केन्द्रमे सिफारिस करले बा ।
सिफारिस हुइलमे उम्मेदवारमे विरभान चौधरी, लाजुराम चौधरी, प्रकाश मिश्र, विपिन आचार्य ओ कमलप्रसाद चौधरी रहल बटै ।
ओस्टेक करके महिलाओर विनीता चौधरी ओ युवाओर वीरेन्द्र जिसीके नामफे सिफारिस करल बा ।
कृष्णराज सुबेदीके अध्यक्षतामे बैठल नेकपा कैलाली जिल्ला कार्यदलके बैठकसे एक महिला ओ एक नव युवासहित आकांषीहुकनके नाम केन्द्रहे सिफारिस कैना निर्णय करल हो । बैठकमे क्षेत्रीय राजनीतिक अवस्था, संगठनके मजबुती ओ उम्मेदवारके योगदानके आधारमे नाम टुंगो लगैना जनाइल बा ।
नेकपासे समावेशी प्रतिनिधित्व ओ स्थानीय स्तरमे संगठनहे बल्गर बनैना उद्देश्यसहित उम्मेदवार सिफारिस करल बताइल बा । अब केन्द्रसे अन्तिम निर्णय हुइना जनाइल बा ।
