कैलारीहे विपद प्रतिकार्य तथा जीवन सुरक्षा सामाग्री हस्तान्तरण
पहुरा समाचारदाता
धनगढी, १३ पुस । कैलाली जिल्लाके कैलारी गाउँपालिकाहे विपद प्रतिकार्य तथा जीवन सुरक्षा सामाग्री हस्तान्तरण कैगिल ।
सहमति, गैडाकोट कैलालीके परियोजना संयोजक शिव सुवेदी कैलारी गाउँपालिकाके उपाध्यक्ष भगवतीकुमारी चौधरीहे उ सामाग्री हस्तान्तरण करल रहिट ।
सहमतिसे प्रकृतिमे आधारित समाधान कार्यक्रम अन्र्तगत उ सामाग्री नेपाल रेडक्रस सोसाइटी कैलारी गाउँपालिकाके समन्वयमे हस्तान्तरण करल हो । सहमतिसे गाउँपालिकाहे जलउद्दार÷बाढ रबर बोट÷रयाफछिटङ बोट (१६ फिट लम्बाई ओ ८ जाने क्षमता प्याडल सेटसहित एक थान हस्तान्तरणख करल बा ।
ओस्टेक करके लाइफ ज्याकेट ६ थान, बाढ÷जल उद्दार थ्रो व्याग ३ थान, आगलागी नियन्त्रणके लाग फायर फाइटिङ पानी व्याग प्याक (२० लिटर क्षमता) ५ थान, बाढ÷जल उद्दार बाटर टयुव ३ थान, ट्रयाकिङके लाग जिपिएस १ थान हस्तान्तरण करल बा ।
ओस्टेक करके आगलागी÷फायर प्रुफ ग्लोब्स १० थान, आगलागी÷ फायर प्रुफ ब्ल्याङकेट ५ थान, सावेल १० थान, मल्टी प्रपाज चक्कु ५ थान, जल उद्दार हेल्मेट ५, उद्दारके लाग डाइनामिक डोरी ७० मिटर ओ रबर बोट एयर पम्प एक थान हस्तान्तरण कैगिल बा । उ सामाग्री हस्तान्तरण कार्यक्रममे गाउँपालिका उपाध्यक्ष भगवतीकुमारी चौधरी उ सस्थाहे धन्यावाद डेटी विपद जोखिम न्यूनिकरण कैनामे सहजता हुइना बटैली । कैलारी बाढ तथा आगलागीके उच्च जोखिममे रहल ओरसे पूर्व तयारी आवश्यक रहल बटैली ।
उ कार्यक्रममे गाउँपालिकाके प्रवक्ता दिपेन्द्र बहादुर बम, वडा नम्बर ५ के वडा अध्यक्ष विष्णु प्रसाद चौधरी, वडा नम्बर ४ के वडा अध्यक्ष ठागुराम चौधरी, वडा नम्बर ९ के वडा अध्यक्ष खेमराज चौधरी, गाउँपालिकाके सामाजिक विकास शाखा प्रमुख यगम कलेललगायत टमान शाखाके प्रमुखहुकनके सहभागिता रहे ।
