मानव अधिकार सहायता कक्ष सवलीकरण विषयक छलफल
पहुरा समाचारदाता
धनगढी, १६ पुस । अनौपचारिक क्षेत्र सेवा केन्द्र (इन्सेक) सुदूरपश्चिम पैदेश कार्यालय, धनगढीके आयोजनामे मानव अधिकार सहायता कक्षके सवलीकरण विषयक छलफल धनगढीमे सम्पन्न हुइल बा ।
इन्सेक प्रदेश संयोजक खडकराज जोशी इन्सेकसे मानव अधिकार सहायता कक्षमार्फत स्थानीय तह ओ टमान संघ संस्थाहुकनके सिफारिसमे टमान हिंसामे परल पीडित महिला ओ बालिकाहुकनहे कानुनी प्रकृयाके लाग सहज वातावरण बनाडेना ओ न्यायमे सहज पहुँच पुगाडेना आर्थिक सहयोग करटी अइटी रहल बटैलै ।
उहाँ कहलै— ‘इन्सेकके बजेत हुइलेसेफे यी सहयोग इन्सेकके केल्ह नैहुके संघसंस्थाहुक्रे पीडितहे सहयोग करडेना कहिके सिफारिस करटी रहल अवस्थामे सक्कु संघसंस्थाहुकनके अपनत्व रही ओ आगामी दिनमे फे सहयोग हुई ।’
गैरसरकारी संस्था महासंघ सुदूरपश्चिम प्रदेशके अध्यक्ष तथा मानव अधिकार सहायता कक्षके संयोजक देवीप्रसाद खनाल मानव अधिकार सहायता कक्ष मार्फत घरेलु तथा यौन हिंसामे परल मने आर्थिक समस्यामे परल पीडितहे न्यायिक प्रकृयाके लाग जनवरी २०२५ से डिसेम्बर २०२५ सम १८ जाने पीडितके फाइल अनुमोदन हुसेकल ओ ११ जाने पीडितके फाइल अनुमोदन करेपर्ना बटैलै ।
उहाँ मानव अधिकार सहायता कक्ष मार्फत यी वर्ष २९ जाने पीडितमध्ये १७ जाने बलत्कार घटना पीडित, नौ जाने घरेलु हिंसा घटनाके पीडित, दुई जाने बेचबिखनमे परल ओ एक जाने हत्या घटनाके पीडितहे १० हजार रुप्याके दरले आर्थिक सहयोग करल संयोजक खनाल बटैलै ।
