ग्लोबल आईएमई बैंकसे रक्तदान कार्यक्रम

पहुरा समाचारदाता
धनगढी, १८ पुस । ग्लोबल आईएमई बैंक लिमिटेडसे अपन १९ औं वार्षिकोत्सवके अवसरमे सामाजिक उत्तरदायित्वअन्तर्गत देशव्यापी रूपमे रक्तदान कार्यक्रमके आयोजना करले बा ।

बैंकसे सातु प्रदेशके ९ ठो शाखा कार्यालयमार्फत एक्के साथ रक्तदान कार्यक्रम सञ्चालन करल हो । यिहे क्रममे धनगढीमे आयोजित रक्तदान कार्यक्रममे ग्लोबल आईएमई बैंक सुदूरपश्चिम प्रदेश प्रमुख महेश सिलवालसहित ५१ जाने रक्तदाता रक्तदान करले बटै ।

कार्यक्रमसे समुदायमे रक्तदानके महत्वबारे सकारात्मक सन्देश प्रवाह करल सहभागीनके कहाई बा ।
रक्तदान कार्यक्रममे सुदूरपश्चिम प्रदेशका रक्तदान सद्भावना दूत दीपक उपाध्यायके प्रेरणादायी उपस्थिति रहे । उहाँ सक्कु स्वयम्सेवी रक्तदाताप्रति आभार व्यक्त करटी पहिल चो रक्तदान कैना रक्तदाताहुकनहे ‘आइ एम अ ब्लड डोनर’ लिखल ब्याच लगाडेहल रहिट । ग्लोबल आईएमई बैंकसे यी मेरिक सामाजिक कार्यमार्फत मानव सेवामे निरन्तर योगदान पुगैटी आइल बा ।