राष्ट्रिय माविके चार कोठे भवनके उदघाटन
पहुरा समाचारदाता
धनगढी, २१ पुस । कैलाली जिल्लाके कैलारी गाउँपालिका वडा नम्बर २ स्थित राष्ट्रिय माविके चार कोठे विद्यालय भवनके उदघाटन कैगिल बा ।
सोम्मारके रोज गाउँपालिका अध्यक्ष राजसमझ चौधरी ओ गाउँपालिका उपाध्यक्ष भगवतीकुमारी चौधरी संयूक्त रुपमे नवनिर्मित उ विद्यालयके भवन उदघाटन करल रहिट । विद्यालयके चार कोठे भवन संघीय सरकार ओ कैलारी गाउँपालिकाके संयूक्त अनुदानमे निर्माण हुइल हो ।
भवन उदघाटन कार्यक्रममे विद्यालयके अध्यक्ष नविनकुमार बोहरा, विद्यालयके प्रधानाध्यापक जितबहादुर रावतलगायत विद्यालय व्यवस्थापन समितिमे पदाधिकारी, शिक्षक तथा अभिभावकहुकनके सहभागिता रहे ।
नवनिर्मित भवनके शिलालेखमे गाउँपालिका अध्यक्ष राजसमझ चौधरी, गाउँपालिका उपाध्यक्ष भगवती कुमारी चौधरी, विद्यालय व्यवस्थापन समितिके अध्यक्ष नविनकुमार बोहरा, सदस्यहुक्रे शारदा रैकाल, दिलमाया चौधरी, जितबहादुर चौधरी, पदेन सदस्य वडा अध्यक्ष विकास चौधरी, मनोनित सदस्य लक्ष्मी दहित, मनोनित सदस्य दिर्घ ठकुल्ला, सदस्य सचिव जितबहादुर रावत, शिक्षक प्रतिनिधि मनिराम चौधरी, सल्लाहकार सदस्य मनोजकुमार चौधरी, जग्गादाताहुक्रे श्रीराम डर्गौराचौधरी ओ राम औतार डगौरा चौधरीके नाउँ उल्लेख हुइल बा ।
