थारु टेलिभिजनके पत्रकार बखरिया सम्मानित
पहुरा समाचारदाता
धनगढी, २३ पुस । धनगढीमे जारी चैतन्य दुसरा विद्यार्थी महोत्सव २०८२ के अवसरमे बुधके रोज थारु टेलिभिजनके पत्रकार मनमति बखरिया सम्मानित हुइल बटी ।
संचारकर्मके क्षेत्रमे सक्रिय रहटी आपन भाषा, सस्कृतिके संरक्षण, प्रचार प्रसारमे उल्लेखनिय भूमिका निर्वाह कैनाके साथे सत्य तथ्यमे आधारित समाचार सम्प्रेषण मार्फत समाजहे सचेत ओ जिम्मेवार बनैना कार्यमे पुगाइल योगदानके कदर करटी उत्कृष्ट संचारकर्मी सम्मानसे सम्मानित करल हो ।
ओस्टेक करके प्रतिभा सामुदायिक पुस्तकालयके अध्यक्ष भुपेश जोशी, न्यू संजिवनी मोबाइल एण्ड सप्लायरके सञ्चालक तथा योग साधक सुभाष बम, धर्म प्रचारक तथा कथा वाचक सत्यराज अवस्थी हे फे सम्मान कैगिल बा ।
सुदूरपश्चिम प्रदेश सरकारके सामाजिक विकास राज्यमन्त्री सरस्वती खडका पत्रकार बखरियाहे सम्मान करल रहिट । कार्यक्रममे विद्यालयके अध्यक्ष गणेश प्रसाद जोशी, प्रिन्सिपल प्रेम निधि ओझा, निर्देशक कटकबहादुर सिंह, पिटिए अध्यक्ष ईश्वर गिरीलगायतके सहभागिता रहे ।
