हाते होजयारी सुईटर बुनाई तालिम सम्पन्न

पहुरा समाचारदाता
धनगढी, २३ पुस । कैलाली जिल्लाके कैलारी गाउँपालिका वडा नम्बर २ मे ४५ दिने सुइटर बुनाई हाते होजयारी तालिम सम्पन्न हुइल बा ।

व्यावसायिक तथा सीप विकास तालिम केन्द्र धनगढी कैलाली ओ कैलारी गाउँपालिका वडा नम्बर २ के कार्यालय उजलीसेमरा कैलालीके सहकार्यमे निशुल्क रुपमे सञ्चालित ४५ दिने बुधके रोज सम्पन्न हुइल हो ।

कैलारी गाउँपालिका वडा नम्बर २ के वडा अध्यक्ष विकास चौधरीके अध्यक्षतामे हुइल तालिम समापन कार्यक्रम गाउँपालिका उपाध्यक्ष भगवतीकुमारी चौधरीके प्रमुख आतिथ्यतामे हुइल रहे । कार्यक्रममे सम्बोधन करटी कौनोफे व्यक्तिहे सीपले अटिलो बनैना बटैली ।

उहाँ कहली, कोई मनैनमे सीप बा कलेसे आपन गोरामे ठरहयाई सेकठ । गाउँपालिकासे महिला ओ यूवाहुकनहे सीप सिखाके रोजगार बनैना अभियानमे लागल बा । यहाँके यूवाहुकनमे सीप रहि कलेसे स्वदेश वा विदेशमे मजा काम पैना ओ महिलाहुक्रे आपन गाउँठाउँमे उद्यम संचालन करके व्यवसाय करे सेक्ही ।

गाउँपालिका महिला ओ यूवाहुकनके लाग ढेर सीपमुलक तालिम संचालन करसेकल गाउँपालिका उपाध्यक्ष बटैली ।
कार्यक्रममे कैलारी गाउँपालिकाके योजना शाखा प्रमुख सन्तोषकुमार चौधरीलगायत व्यवसायिक तथा सीप विकास तालिम केन्द्रके प्रतिनिधिहुकनहे सहभागिता रहे ।

उ तालिममे २० जाने महिला सहभागी रहिट कलसे प्रशिक्षण गीता चौधरी डेहल रही ।