सितलहर सम्बन्धी जनचेतनामूलक कार्यक्रम
पहुरा समाचारदाता
धनगढी, २४ पुस । नेपाल रेडक्रस सोसाइटी, कैलाली जिल्ला शाखासे ब्रिटिस रेडक्रसके आर्थिक साझेदारीमे सञ्चालन करटी रहल इकोल्याब परियोजना अन्तर्गत सितलहर सम्बन्धी जनेचतनामूलक कार्यक्रम करगिल बा ।
भजनी नगरपालिका वडा नं. ३ मे अगुवा कार्यकर्ता मार्फत सितलहर सम्बन्धी जनचेतनामूलक कार्यक्रमहरू सञ्चालन करल हो । जुरारसे बालबालिका, वृद्धवृद्धा, गर्भवती महिला तथा जोखिममे रहल समुदायहे सुरक्षित राखे पर्ना हुइल ओरसे सितलहरबारे जनचेचता जगाइल रेडक्रस भजनी शाखाके सभापति रामनारायण चौधरी बटैलै । उहाँके अनुसार अगुवा कार्यकर्ताहुक्रे समुदायस्तरमे घरघर पुगके तथा सामूहिक छलफलमार्फत सितलहरके कारण हुइना स्वास्थ्य जोखिम, बच्ना उपाय, डन्डुर कपडाके प्रयोग, आगी टापेबर अपनाइ पर्ना सावधानी ओ जुरारसे हुइना लक्षणबारे जानकारी डेहल बटैलै ।
साथे, आपतकालीन अवस्थामे अपनाइ पर्र्ना व्यवहार, समुदायमे आपसी सहयोगके महत्व ओ स्थानीय स्रोत–साधनके प्रयोग कैसिक सुरक्षित राखे सेकजाइ कना विषयमे फेन सचेतना फैलाइल बा । इ मेरके कार्यक्रम समुदायके पूर्वतयारी क्षमता अभिवृद्धि कैनाके साथे जलवायुजन्य जोखिमप्रति सचेत ओ सक्षम बनैना लक्ष्य लेहल बा ।
