सुदूरपश्चिम बहुउद्देश्यीय सहकारीके पाँचौँ वार्षिक साधारण सभा
पहुरा समाचारदाता
धनगढी, २७ पुस । सुदूरपश्चिम बहुउद्देश्यीय सहकारी संस्था लिमिटेडके पाँचौँ वार्षिक साधारण सभा अट्वार धनगढीमे सम्पन्न हुइल बा ।
रु‘मर्यादित व्यवसाय ओ प्रविधिमे सहकारी’ कना मूल नारासहित सम्पन्न सभाके सभापतित्व संस्थाके अध्यक्ष दिर्घराज जोशी करले रहिट।
सभामे प्रमुख अतिथिके रूपमे कैलाली अस्पतालके अध्यक्ष एवं सञ्चालक जनकराज जोशीके उपस्थिति रहे ।
प्रमुख अतिथि जोशी सहकारीसे समुदायके आर्थिक रूपान्तरणमे महत्वपूर्ण भूमिका खेलल उल्लेख कर्टी मर्यादित व्यवसाय, पारदर्शिता ओ प्रविधिके प्रयोगसे सहकारीहे आउर विश्वसनीय बनैना बटैलै । उहा सहकारीमार्फत उत्पादन, बचत ओ लगानीके संस्कार विकास करेसेक्लेसे आर्थिक आत्मनिर्भरता सम्भव हुइना बटैलै।
ओस्टेक करके साधारण सभाके अवसरमे सहकारीसे कर्जा लेके उत्कृष्ट कारोबार करुइया सदस्य यम बहादुर रावलहे उत्कृष्ट कर्जा सदस्य तथा नियमित ओ उदाहरणीय बचत कैना सदस्य लक्की शाहहे उत्कृष्ट बचत सदस्य घोषणा करटि प्रशंसा पत्र प्रदान करल रहे ।
करिब ९ सय शेयर सदस्य रहल सहकारी संस्थासे प्रविधिमैत्री सेवा, मर्यादित व्यवसाय ओ सदस्यके आर्थिक सशक्तीकरणहे प्राथमिकतामा राख्टि आघे बढटि रहल सहकारीके अध्यक्ष जोशी बटैलै।
कार्यक्रममे सहकारीके प्रगति विवरण, आर्थिक अवस्था तथा भावी कार्ययोजनाउप्पर छलफल करल रहे ।
