कैलारी गाउँपालिकासे माघ टिहुवारके माघ २ ओ ४ गते विदा

पहुरा समाचारदाता
धनगढी, २८ पुस । थारु समुदायके वरका टिहुवार माघके कैलाली जिल्ला कैलारी गाउँपालिकासे माघ २ ओ ४ गते स्थानीय विदा डेना निर्णय करले बा । गाउँपालिकाके हिउँदे अधिवेशनके पहिल बैठकसे उ निर्णय करल हो ।

थारु समुदायके माघ टिहुवार पुस अन्तिम रोजसे जिटा मर्ना दिनसे सुरुवाट हुइना ओरसे सुदूरपश्चिम प्रदेश सरकारसे माघ ३० गतेक दिन विदा डेले बा ।

माघ १ गते माघे सक्रान्तिके ंसंघीय सरकारसे विदा डेले बा । कैलारी गाउँपालिकाके २ गते विदा, ३ गते शनिच्चर, ४ गते गाउँपालिकाके विदा, ५ गते सोनम ल्होसारके विदा पर्ना ओरसे माघ ६ गतेसे कार्यालय खुल्न जनागिल बा । साथे गाउँपालिका अध्यक्ष राजसमझ चौधरी गाउँपालिका बासीहुकनहे थारु समुदायके वरका टिहुवार माघके अवसरमे शुभकामना व्यक्त करले बटै ।