मानव अधिकार रक्षक संजालके पदाधिकारीनहे क्षमता अभिवृद्धि तालिम
पहुरा समाचारदाता
धनगढी, २८ पुस । सुदूरपश्चिम प्रदेश स्तरीय मानव अधिकार रक्षक संजालके पदाधिकारीनहे दुई दिने क्षमता अभिवृद्धि तालिम डेहल बा ।
अनौपचारिक सेवा केन्द्र (इन्सेक) सुदूरपश्चिम प्रदेशके आयोजनामे दुई दिने तालिम डेहल हो । कार्यक्रममे सहजीकरण इन्सेक प्रदेश संयोजक खडकराज जोशी करल रहिट ।
तालिममे सुदूरपश्चिम प्रदेश आन्तरिक मामिला तथा कानून मन्त्रालयके कानून सचिव आमोद दहाल कानून निर्माण प्रक्रिया प्रस्तुतीकरण करल रहिट ।
ओस्टेक करके राष्ट्रिय मानव अधिकार आयोगके सुदूरपश्चिम प्रदेश प्रमुख झंकर बहादुर रावल मान अधिकार रक्षकके भूमिका ओ जिम्मेवारीबारे प्रस्तुतीकरण करल रहिट ।
ओस्टेक करके इन्सेक प्रदेश कार्यालयके प्रलेख अधिकृत कृष्णबहादुर विक मानव अधिकार अनुगमन अभिलेखीकरण ओ प्रतिवेदन लेखनके सिद्धान्त ओ प्रक्रियाबारे प्रस्तुतीकरण करल रहिट ।
कार्यक्रम समापन सुदूरपश्चिम प्रदेश स्तरीय मानव अधिकार रक्षक समुहके संयोजक देवी खनाल करल रहिट ।
