उत्कृष्टहे म्युजिक अवार्ड प्रदान
पहुरा समाचारदाता
धनगढी, ६ माघ । कैलालीके धनगढीमे चौथो राष्ट्रिय सुप इन्टरटेनमेन्ट म्युजिक अवार्ड सम्पन्न हुइल बा । सुप इन्टरटेनमेन्ट हाउस प्रालि तथा बाडुल्की मिडिया हाउस प्रालिके आयोजनामे म्युजिक अवार्ड कार्यक्रम हुइल हो ।
इ बरसके सर्वोत्कृष्ट ८ भाषाभाषी गीत अभिनय पुरुष ओर ‘मुटु खाने मायाजाल’ गीतके अभिनेता रमेश सिलवाल पैले बटै । महिला ओर ‘रगत मिसिजाउ’ के सुनिता विक अवार्ड पैले बटी ।
ओस्टके सर्वोत्कृष्ट उद्घोषक अवार्ड प्रेम बोगटी, सर्वोत्कृष्ट भाषाभाषी गीत गायन ओर डिल्लीराज जोशी ओ सनम परियारे अवार्ड प्रदान करल बा । सर्वोत्कृष्ट म्युजिक भिडियो निर्देशनतर्फ मासुम बिष्ट ओ सर्वोत्कृष्ट भाषाभाषी गीत सर्जक ओर क्रिश भण्डारी अवार्ड जिटल बटै । सर्वोत्कृष्ट भाषाभाषी गीत गायन पुरुष ओर सेरी औजी गीत, महिला ओर रूपा बुढा, सर्वोत्कृष्ट देउडा गीत अभिनय पुरुष ओर भूपी उपाध्याय, महिला ओर कविता खड्का अवार्ड प्राप्त करले बटै । सर्वोत्कृष्ट म्युजिक भिडियो छायाङ्कन ओर गणेश साउँद, भाषाभाषी गीत अभिनय पुरुष ओर भानु चौधरी, महिला ओर पुष्पा बडैला अवार्ड जिट्ले बटै ।
सर्वोत्कृष्ट कला पत्रकारिता ओर सन्तोष पाण्डेय, चन्द्र मल्ल (पब्लिक च्वाइस) ओ भक्तराज जोशी अवार्ड पैले बटै । सर्वोत्कृष्ट देउडा गीत गायन पुरुष ओर सुनिल नेपाली, महिला ओर गौरी भट्ट ओ सर्वोत्कृष्ट देउडा गीत २०८२ के अवार्ड रीतिका सिग्देलके गीत ‘छुट्टिन गाह्रो भो’ प्राप्त करले बा ।
सुप इन्टरटेनमेन्ट हाउस प्रालिके अध्यक्ष सुन्दर चन्द (अनुप) के सभापतित्वमे हुइल कार्यक्रममे बर्का पहुना सुदूरपश्चिम प्रदेशके पूर्वमन्त्री रमेशसिंह धामी रहल रहिट । कार्यक्रममे उहाँ कला–संस्कृति ओ संगीतसे समाज रूपान्तरणमे खेलल् भूमिकाके चर्चा करल रहिट ।
कार्यक्रममे टेकबहादुर ऐरहे लाइफटाइम एचिभमेन्ट सम्मान, माया प्रकाश भट्टहे पर्यटन प्रवद्र्धन सम्मान, प्रेमनिधी ओझाहे शैक्षिक सम्मान, हिक्मत रावलहे कला पत्रकारिता सम्मान, हरिना साउदहे गायिका सम्मान प्रदान करल बा । ओस्टके हेमन्त विवशहे दर्शक साहित्य सम्मान, कल्पना भट्टहे समाजसेवा सम्मान, डा. विवेक जोशीहे स्वास्थ्य सेवा सम्मान, केपी कलौनीहे कला सम्मानसे सम्मानित करल बा ।
अवार्डके टमाल विधामे प्राप्त स्रष्टा तथा प्रतिभाके मूल्याङ्कनके लाग तीन सदस्यीय निर्णायक समिति गठन करल रहे । समितिके संयोजकमे वरिष्ठ गायक नरेन्द्रराज रेग्मी, सदस्यमे पत्रकार खेमराज उपाध्याय ओ वरिष्ठ निर्देशक भीम थापा रहल रहिट ।
