विरेन्द्र सामुदायिक वनके नवौं वार्षिक साधारण सभा
पहुरा समाचारदाता
पहलमानपुर, १५ माघ । कैलालीके घोडाघोडी नगरपालिका–१० पहलमानप्ुरस्थित विरेन्द्र सामुदायिक वन उपभोक्ता समुहके नवौं वार्षिक साधारण सभा सार्वजनिक सुनुवाई कार्यक्रम विफेक रोज सम्पन्न हुइल बा ।
समुहके अध्यक्ष सुरेश कुमार कठाययतके घरगोस्यामे हुइल कार्यक्रममे प्रमुख अतिथि घोडाघोडी नगरपालिकाके नगर प्रमुख खडकबहादुर रावत रहल रहिट । कार्यक्रममे सम्बोधन करटी उहाँ जल, जंगल ओ मानविय जीवनके लाग बन जंगल अतिआवश्यक रहल करटी संरक्षणमे जोर डेहल रहिट ।
सिएफसीसी पहलमानपु्रके अध्यक्ष पुष्कल बहादुर बम सामुदायिक वनके साधारणसभा बर्षमे दुई चो करेपर्ना बटैलै । शुभकामना खानेपानी सरसफाई आयोजना पहलमानपु्रके अध्यक्ष डम्मर बहादुर सिंह राष्ट्रिय वनसे मजा सामुदायिक वन रहल बटैलै । बुलबुले रानी सामुदायिक वनके अध्यक्ष खडकबहादुर बुढा वन संरक्षण कैना बहुट समस्या रहल बटैलै ।
सव डिभिजन वन कार्यालय सुखडके वन रक्षक गोकुल थापा सामुदायिक वनके आर्थिक हिसाव किताब ओ बन बचैना चासो नैरहल बटैलै ।
सामुदायिक वन विकास अन्र्तगत सामाजिक विकास खर्चमे आर्थिक लगानीसे अति गरिबहे खाद्यन्न ८ हजार बराबरके वितरण करल बा । आर्थिक बर्ष २०८१/०८२ के २४ लाख ९१ हजार ७१७ रुप्या बराबरके आय व्यय प्रस्तुत तथा कार्यक्रम संचालन नरबहादुर देउवा करल रहिट । स्वागत मन्तव्य समुहके सचिव धर्मानन्द जोशी करल रहिट ।
