सहिदके फोटुमे माल्यार्पण करके कांग्रेस उम्मेदवारके घरदैलो सुरु

पहुरा समाचारदाता
धनगढी, १६ माघ । सहिद दिवसके अवसरमे सहिदके फोटुमे माल्यार्पण करके नेपाली कांग्रेस कैलाली क्षेत्र नम्बर ५ के उम्मेदवारसे घरदैलो सुरु करले बटै ।

शुकके कैलाली क्षेत्र नम्बर ५ के नेपाली कांग्रेसके उम्मेदवार नरनारायण शाह धनगढी सहिद गेटस्थित सहिदके फोटुमे माल्यार्पण करके घरदैलो अभियान सुरु करल हुइट ।

स्थानीय नेता तथा कार्यकर्ताके सहभागितामे उम्मेदवार शाहसे सहिदहे साक्षी रख्टी क्षेत्रके विकासके लाग प्रतिबद्धतासहित जनताके घरदैलोमे भोट मग्ना सुरु करलै ।

उहाँ सहिदके सपना पूरा कैना ओ कैलाली क्षेत्र नम्बर ५ के जनताके माग पूरा कैना अपन उम्मेदवारी रहल ओरसे आजके पवित्र दिनसे घरदैलो सुरु करल बटैलै । उहाँ सहिद गेटसे सुरु करके बजारके टमान क्षेत्रमे घरदैलो कैना बटैलै ।
अन्य उम्मेदवारसे भेटघाट तथा छलफल करलेसेफे घरदैलो सुरु करल नैहुइट ।