त्रिशक्ति सामुदायिक वनके पाँचौं वार्षिक साधारण सभा
पहुरा समाचारदाता
पहलमानपुर, १८ माघ । कैलालीके घोडाघोडी नगरपालिका वडा नम्बर ११ टप्पामे रहल त्रिशक्ति सामुदायिक वन उपभोक्ता समूह पाँचौं वार्षिक साधारण सभा ओ सार्वजनिक सुनवाई कार्यक्रम सम्पन्न हुइल बा ।
समूहके अध्यक्ष जगनु कठरियाके घरगोसियामे हुइल कार्यक्रममे बरका पहुना सब डिभिजन वन कार्यालय सुखडके वनरक्षक गोकुल थापा ओ खास पहुना घोडाघोडी नगरपालिका वडा नम्बर ११ वडा नम्बर महिला वडा सदस्य पार्वती कठरिया रहल रहिट ।
कार्यक्रममे श्रीराम जानकी सामुदायिक वन उपभोक्ता समूहके अध्यक्ष चन्द्रबहादुर चौधरी, जन्ती खेर विद्या मन्दिर व्यवस्थापन समिति अध्यक्ष राजकुमार कठरिया, पाँच पकरीया सामुदायिक वन उपभोक्ता समूहके सदस्य रामबहादुर चौधरीलगायत शुभकामना मन्तव्य राखल रहिट ।
कार्यक्रममे सामुदायिक वनके आर्थिक बर्ष २०८१÷२०८२ सालके १२ लाख रुप्या बराबरके आय व्यय विवरण लेखा समिति सदस्य जितेन्द्र कठरिया प्रस्तुत करल रहिट ।
कार्यक्रममे स्वागत मन्तव्य कार्यसमिति कोषाध्यक्ष रोशीना कठरिया सञ्चालन शिवप्रसाद कठरिया करले रहिट ।
