दिपेन्द्र माविमे फुड फेस्टीवल
पहुरा समाचारदाता
धनगढी,२९ माघ । कैलाली जिल्लाके कैलारी गाउँपालिका वडा नम्बर १ हसुलियामे रहल दिपेन्द्र माविके विद्यार्थीहुक्रे थारु परिकार बनाके प्रदर्शन करले बटै ।
प्राय जैसिन आपन डाई बाबा, घरे पकैना थारु परिकार विद्यार्थी विद्यालयमे पकाके प्रदर्शनी करल हुइट । उ विद्यालयके कक्षा ८ मे अध्ययनरत रहल विद्यार्थीहुक्रे हमार कैलारी ओ सामाजिक अध्ययन तथा मानव मुल्य शिक्षा विषयके परियोजना कार्य अन्र्तगत थारु परिकार विद्यालयमे पकाके प्रदर्शनी करल कक्षा शिक्षक कलक विश्वकर्मा बटैलै ।
विद्यार्थीहुक्रे थारु समुदायके पहिचानसे जोरल खाना ढिक्री, खरिया, पुरी, अँचारके साथे सेलरोटीफे पकैले रहिट ।
विद्यालयके प्रअ विनोद भट्टराई विद्यार्थीनहे शैक्षिकसंगे व्यवहारिक ज्ञान प्रदान करेक लाग यी कार्यक्रमसे जोरल बटैलै । उहाँ कहलै, घरमे विद्यार्थीने अभिभावक यी मेरिक खाना पकैठै । यहाँ विद्यार्थीफे जानिट कहिके सहभागिता करगिल बा । खानासंगे थारु समुदायके कला, संस्कृतिके संरक्षण ओ सम्बद्र्धनमे टेवा पुग्न प्रअ भट्टराई बटैलै ।
