जिल्ला प्रहरी कार्यालयसे माघके विवरण सार्वजनिक
पहुरा समाचारदाता
धनगढी, ३ फागुन । जिल्ला प्रहरी कार्यालय कैलालीसे माघ महिनाके विवरण सार्वजनिक करले बा ।
जिल्लामे हुइल घटनाहे समेट तयार पारल प्रतिवेदन जिल्ला प्रहरी कार्यालय कैलालीसे सार्वजनिक करल हो । एक महिनामे अवधिमे मुख्य मुख्य घटनामे कर्तव्य ज्यान १, ज्यान मर्ना उद्योग २, फाँसी लागके आत्महत्या १४, लागु औषध ३२, बैकिङ कसुर १९ करके ६८ घटना सार्वजनिक करल बा ।
अपराध अनुसन्धान तथा नियन्त्रण ओर दर्ता हुइल घटनामे ज्यान सम्बन्धी १९, आत्महत्या १५, चोरी सम्बन्धी ४, संगठित तथा आर्थिक अपराध ५७, सामाजिक अपराध ६, महिला तथा वालबालिका सम्बन्धी अपराध ९, सवारी ज्यान ९ ओ अन्य ३ करके १२२ ठो घटना दर्ता हुइल जिल्ला प्रहरी कार्यालय कैलालीके प्रहरी नायव उपरीक्षक प्रवक्ता÷सूचना अधिकारी योगेन्द्र तिमिल्सना जनैलै ।
जघन्य तथा गम्भीर अपराधओर बैकिङ कसुरके १९ ठो, महिला वालबालिका तथा जेष्ठ नागरिकसंग सम्बन्धित ९ करके २९ ठो घटनाके दर्ता हुइल बा ।
माघ महिनामे चालु मुद्दाके प्रतिवादी पक्राउ संख्या १०० रहल बा कलेसे अभिन २१ जाने पक्राउ पर्ना बाँकी रहल बटै । सार्वजनिक चासो रहल पेण्डिङ मुद्दा सफल अनुसन्धानओर जम्मा पेण्डिङ मुद्दा १३४ मे ६ ठो फछयौट हुइल बा ।
फैसला कार्यान्वयनमे ३४ जाने पक्राउ, घरेलु हिंसा ओर ८ ठो उजुरी परलमे सक्कु मिलापत्र हुइल बा । यी महिनामे महिला, वालबालिका, जेष्ठ नागरिक ५८ जाने हेराइलमे ५७ जाने फेला परल मने एक जाने बालिका भर फेला नैपरल प्रहरी जनैले बा । एक महिनामे पीडित हुइल संख्या ८, ठाडो उजुरी २२४ ठो परलमे सक्कु फछयौट हुइल बा ।
लागु औषधओर मुद्दा दर्ता ३२ रहलमे एक महिला ओ ३८ जाने पुरुष पक्राउ परलै कलेसे ४१ ग्राम ७४० मिलिग्राम खैरो हेरोइन, टमान मेरिक लागु औषध टयावलेट ९३३ ठो बरामद करल बा । आत्महत्या ओर कुल १५ मन्से २ पुरुष, ९ महिला ओ ४ बालिका रहल बटै ।
सवारी दुर्घटना ५१ ठो हुइलमे ८ जाने अकालमे ज्यान गुमैलै । ६९ जाने घाहिल, ७७ जानेक प्रहरीसे उद्धार करल रहे । यी अवधिमे १३ सय ७९ ठो सवारी कार्वाहीमे परेबेर ११ लाख ५२ हजार ५ सय रुप्या राजश्वफे संकलन हुइल बा ।
भन्सार छलि करके ल्यान सामान बरामद करेबेर ४४ लाख १ हजार ६४० रुप्या राजश्व संकलन हुइल बा ।
विपदओर १४ ठो घटना हुईबेर २ घाहिल, दुई जानेक उद्धार, २ लाख ३५ हजार क्षति हुइल रहे । यी अवधिमे १०० लिटर डारु बराबद करके नष्ट, प्राकृृतिक सम्पदा दोहन करुइया ११ सवारी साधान नियन्त्रणमे लेहे एक लाख ८४ हजार राजश्व संकलन करल बा ।
