कैलाली ५ के उम्मेदवार मनु’ के चुनावी गीत सार्वजनिक

पहुरा समाचारदाता
धनगढी, १० फागुन । कैलाली क्षेत्र नम्बर ५ के नेपाली काग्रेसके प्रतिनिधि सभा सदस्य उम्मेदवार नर नारायण शाह ‘मनु’ के आधिकारिक चुनावी गीत सार्वजनिक करल बा ।

“युवाको आशा” बोलके गीत सार्वजनिक हुइलसंगे चुनावी अभियानहे थप गतिशील बनैना अपेक्षा करल बा । गायक गीतकार तथा संगीतकार कमल रेग्मीके रचना तथा संगीतमे तयार हुइल गीतमे स्वयम् रेग्मी ओ राजु चौधरी लगायतके गायक गायिकाके स्वर रहल बा । गीतके कम्पोज ओ एरेन्ज राजु चौधरी करल हुइट । नेपाली ओ थारु भाषामे मिश्रित रुपमे आधुनिक शैलीमे तयार करल गीतमे युवा पुस्ताके भावना, परिवर्तनके चाहना ओ विकासप्रतिके आकांक्षा समेटल बा ।

उम्मेदवार नर नारायण शाह ‘मनु’ से युवाके ऊर्जा ओ सपनाहे केन्द्रमे धारके गीत निर्माण करल बटैटी यिहीसे अभियानहे जनस्तरसम पुगैना सहयोग पुग्न विश्वास व्यक्त करले बटै । उहाँ चुनावी अभियानहे सिर्जनात्मक ओ सकारात्मक बनैना उद्देश्यसे गीत सार्वजनिक करल बटैलै । गीत सार्वजनिक हुइलसंगे सामाजिक सञ्जालमेफे सकारात्मक प्रतिक्रिया आई लागल बा । समर्थक तथा स्थानीय युवाहुक्रे गीतसे परिवर्तन ओ विकासके सन्देश बोकल बटैले बटै । चुनावी माहोलहे उत्साहपूर्ण बनैना गीत प्रभावकारी माध्यम बन्न अपेक्षा करल बा ।