एक दिने एकिकृत महिला स्वास्थ्य शिविर सम्पन्न

पहुरा समाचारदाता
धनगढी, १० फागुन । गौरीगंगा नगरपालिका ओ महिला पुनस्र्थापना केन्द्र ओरेकके सयुक्त आयोजनामे गौरीगंगा नगरपालिका वडा नं ११ मे १ दिने एकिकृत महिला स्वास्थ्य शिविर सम्पन्न हुइल बा ।

महिला डाक्टर कोमल शाह सहितके टोलीसे महिलाहुकनके आङ खस्न (पाठेघर खसल) समस्याके पहिचान, रिंगपेसरी सेवा एवं यौनजन्य संक्रमणके लाक्षणिक उपचार सेवा ओ बच्चा पासेकल विवाहित तथा प्रौढ उमेरके महिलाहुक्रे ओ प्रजनन् स्वास्थ्य समस्या हुइल किशोरीहुकनके लाग एकिकृत महिला स्वास्थ्य शिविर हुइल हो ।

इ शिविरसे ११४ जाने महिलाके एचपीभि÷डिएनए बिधिसे महिलाके पाठेघरके मुखके क्यान्सर परीक्षण ओ ४२ जानेक यूएसजी बिधिसे स्तन क्यान्सर परीक्षण तथा जाँच सेवा १६६ जनहनहे ओपिडी जाँच सेवा, परामर्श ओ समस्या अनुसारके निस्शुल्क औषधी बितरण ओ टमान बिषय जस्टे महिला तथा किशोरीहुक्रे उप्पर हुइना लैंगिक हिंसा, महिला तथा किशोरीहुकनमे हुइना यौन तथा प्रजनन स्वास्थ्य समस्याके कारण, उपचार, घरेलु जडिबुटीके प्रयोग लगायत बिषयमे अभिमुखीकरण ओ महिलासे आपन समस्या खुलके राखे सेक्न वातावरण तयार कैना ओ महिलाहुकनके यौन तथा प्रजनन स्वास्थ्य समस्याके कारणहुकन बिषलेषण कैना उदेश्यसे ६ जाने मनोबिमर्श कर्तासे सयपत्री बाट्िचट करल बा कलेसे जाँचके क्रममे ३ जाने पाठेघर खस्ल महिलामे रिङ्ग पेसरी राखल ओ २ जानेक स्तन क्यान्सर के शंकास्पद ओ २ पोलिपी सम्बन्धी समस्या हुइलहे सेती प्रादेशिक अस्पतालमे रेफर करल बा ।

इ १ दिने एकिकृत स्वास्थ्य शिविर सफल पार्न सहयोग करल स्वास्थ्यकर्मी, महिला स्वास्थ्य स्वयं सेविका हुक्रे, भल्मन्सा, मनोविमर्श कर्ताहुकनके सहभगिता रहे ।