१० लाख ५९ हजारके सामान नियन्त्रण

पहुरा समाचारदाता
धनगढी, १२ फागुन । कैलालीके अलग अलग ठाउँसे १० लाख ५९ हजार ३ सय बराबरके अबैध भन्सार छलिका सामान नियन्त्रणमे लेहल बा ।

कैलालीके धनगढी उ.म.न.पा. ८ स्थितसे अबैंध रुपमे भारतसे भन्सार छलि करके ल्यानल रु.२ लाख ७८ हजार ४१० बराबरके पंखाक्लिप, पंखा हुक, बेरिङ लगायतके सामान सुदूरपश्चिम प्रदेश प्रहरी कार्यालय धनगढी ओ जिल्ला प्रहरी कार्यालय कैलालीसे खटल सयूक्त प्रहरी टोलीसे नियन्त्रणमे लेहल हो ।

ओस्टेक करके कैलाली धनगढी उ.म.न.पा. १८ फुलबारीसे उहे वडा बैठना वर्ष ३५ के रामचन्द्र जोशीके घर कोठासे अबैंध रुपमे भारतसे भन्सार छलि करके ल्यानल रु. ७ लाख ८० हजार ८९० बराबरके इलेक्ट्रोनिक सामान सुदूरपश्चिम प्रदेश प्रहरी कार्यालय धनगढी ओ जिल्ला प्रहरी कार्यालय कैलालीसे खटल सयूक्त प्रहरी टोलीसे बरामद करके रामचन्द्र जोशी समेतहे नियन्त्रणमे लेहल बा ।