प्रदेशस्तरीय सीप तथा रोजगार मेला सम्पन्न, ६०० युवायुवती लाभान्वित
पहुरा समाचारदाता
धनगढी, १३ फागुन । धनगढीमे एक महिनासे सञ्चालन हुइल प्रदेशस्तरीय सीप तथा रोजगार मेला सम्पन्न हुइल बा । समापन कार्यक्रममे बोल्टी धनगढी उपमहानगरपालिकाके उपप्रमुख कन्दकला राना उ मेलासे बेरोजगार युवायुवतीहे स्वरोजगार बन्न महत्वपूर्ण सहयोग पुगैना बटैले बटी ।
उहाँ तालिम प्राप्त करलपाछे उहीहे उद्यमशीलतासँग जोरके आत्मनिर्भर बने सेक्ना उल्लेख करटी सीपमूलक कार्यक्रमसे युवाके भविष्य निर्माणमे टेवा पुग्न विश्वास व्यक्त करली । गैल वर्ष सञ्चालन करल अस्टे मेलासेफे ढेर युवायुवती स्वरोजगार बन्न सफल हुइल उहाँक कहाई रहे ।
उपप्रमुख रानाके अनुसार मेलामार्फत २२ टो टमान विषयमे सीपमूलक तालिम प्रदान करल रहे । यी वर्ष सुदूरपश्चिम प्रदेशके ८८ पालिकामध्ये ८४ पालिकाके करिब ६०० युवायुवती तालिम लेले बटै ।
कार्यक्रममे उहाँ तालिमसे प्राप्त सीपके सही सदुपयोग करटी आत्मनिर्भर बन्न ओ स्वरोजगार सिर्जना कैना सहभागी युवायुवतीहे आग्रह करली ।
उ मेला युवायुवतीके क्षमता विकास, रोजगारी सिर्जना तथा उद्यमशीलता प्रवद्र्धनमे प्रभावकारी बनल आयोजक जनैले बा ।
