कैलारीमे अपाङता सम्बन्धी छलफल कार्यक्रम

पहुरा समाचारदाता
धनगढी, २८ फागुन । मुक्त कमैया महिला विकास मञ्चकके आयोजनामे कैलारी गाउँ पालिकाके हसुलियामे अपाङता सम्बन्धी छलफल कार्यक्रम कैगिल बा ।

मञ्चसे कैलारी गाउँपालिकामे सञ्चालित समुदाय सशक्तीकरण तथा विकासका लागि स्थानीय पहल (लाईसेट)परियोजना अन्र्तगत अपाङता सम्बन्धी समुह तथा सहकारीके पदाधिकारहुकनसे छलफल कैगिल हो । कैलारी गाउँपालिका वडा नम्बर ३, ४, ५, ६, ७, ८ नम्बरमे रहल समुह तथा सहकारीके सदस्यहुकनहे अपाङताके प्रकार, बर्गिकरण, अपाङता रहल व्यक्तिहनहे हक अधिकार ओ अवस्थाबारे छलफल कैगिल बा ।

कार्यक्रममे अपाङता अधिकारकर्मी नन्दराज भट्ट, लाइसेट परियोजनाके अधिकृत चेतमान साउद सहजीकरण तथा प्रस्तुतीकरण करल रहिट । कार्यक्रममे सहजकर्ता भट्टसे १० मेरिक अपाङताबारे जानकारी, बर्गिकरणमे पर्ना अपाङता, ओ अपाङता रहल व्यक्तिनसे पाईपर्ना अधिकारबारे जानकारी डेहल रहिट ।

उहाँ अपाङता रहल व्यक्तिहुकनहे सम्बोधन कैना शब्दबारेफे जानकारी डेहल रहिट । ओस्टेक करके वडा स्तरमे अपाङता रहल व्यक्तिके संख्या, अवस्था, बारे समुहगत छलफलफे करल रहे ।

कार्यक्रममे मञ्चके कार्यक्रम संयोजक इन्द्र चौधरी, मञ्चके संस्थापक अध्यक्ष कौशिला चौधरी, अध्यक्ष सीमा चौधरी, सामाजिक परिचालक रमेश चौधरी, टमान समुह तथा सहकारीके सदस्यलगायतके सहभागिता रहे ।