चलचित्र पत्रकार संघ कैलालीके अध्यक्षमे विवेक नागरी
पहुरा समाचारदाता
धनगढी, ३ चैत । चलचित्र पत्रकार संघ नेपाल कैलाली जिल्लाके अध्यक्षमे विवेक नागरी चयन हुइल बटै ।
संघके दुसरा जिल्ला अधिवेशनसे नागरीके अध्यक्षतामे ११ सदस्यीय नयाँ कार्यसमिति सर्वसम्मत रूपमे चयन करल हो ।
नयाँ कार्यसमितिके उपाध्यक्षमे रमा चन्द, सचिवमे लोकुसिंह ठकुरी, सह–सचिवमे यज्ञराज अवस्थी ओ कोषाध्यक्षमे यमुना साउद चयन हुइल बटै । ओस्टेक करके सदस्यमे रक्षा बागचन, कमल साउद, वीरेन्द्र सिंह, राजु चौधरी राज, सावित्री जोशी ओ महेन्द्र बहादुर चौधरी रहल बटै ।
संघके दुसरा जिल्ला अधिवेशन चलचित्र पत्रकार संघ नेपालके केन्द्रीय अध्यक्ष समीर बलामीके प्रमुख आतिथ्यतामे सम्पन्न हुइल हो । उदघाटन सत्र पुष्पराज जोशीके अध्यक्षतामे सम्पन्न हुइल रहे ।
कार्यक्रममे नेपाल पत्रकार महासंघ सुदूरपश्चिम प्रदेशके महासचिव शिवराज भट्ट, सल्लाहकार मिन बम, कैलाली जिल्ला अध्यक्ष श्रवण देउवा, प्रेस युनियन कैलालीके अध्यक्ष सीताराम ओझा, प्रेस चौतारी कैलालीके अध्यक्ष जनक विष्ट, सुप कला प्रतिष्ठानके महासचिव गुणाकर पनेरु, चलचित्र विश्लेषक हेमन्त विवसलगायतले शुभकामना मन्तव्य राखल रहिट ।
सुदूरपश्चिम प्रदेशके चलचित्र क्षेत्रहे पत्रकारितामार्फत उजागर कैना उद्देश्यसे संघसे विगतसे टमान कार्यक्रम तथा गतिविधि सञ्चालन करटी आइल बटाइल बा । कार्यक्रमके संचालन सचिव कृत विष्ट करल रहिट ।
