लैगिंक हिंसा डर लग्टीक बह्रटाः गापा उपाध्यक्ष भगवती
पहुरा समाचारदाता
धनगढी, १० चैत । न्यायिक समिति, नेपाल प्रहरी, डब्लुइएचआरडी, भल्मन्सा तथा पुरुष अगुवाहुकनहे प्रभावित केन्द्रीत अवधारणा सम्बन्धी एक दिने अभिमुखीकरण कार्यक्रम हसुलियामे सम्पन्न हुइल बा ।
दलित महिला अधिकार मञ्चके आयोजना तथा डिसिएके सहयोगमे सिधरा परियोजनासे न्यायिक समिति , नेपाल प्रहरी, डब्लुइएचआरडी, भल्मन्सा तथा पुरुष अगुवाहुकनहे प्रभावित केन्द्रीत अवधारणा सम्बन्धीे अभिमुखीकरण कार्यक्रम हुइल हो ।
मञ्चके अध्यक्ष सावित्रा घिमिरेके अध्यक्षतामे हुइल कार्यक्रममे कैलारी गाउँपालिका उपाध्यक्ष भगवतीकुमारी चौधरी प्रमुख अतिथि रहल रहिट ।
कार्यक्रममे उहाँ लैगिंक हिंसा डर लग्टीक बह्रटी रहल ओरसे उहीहे न्यूनिकरण करेक लाग सक्कु जाने लागे पर्ना बटैलै । समाजमे अब्बे बालविवाहके कारण हिंसा बह्रल बा, उहाँ कहली, ‘छोटेम अपनही भागके भोज कैलेना पाछे जाके अपने ओ लर्का दुःख पैटी बटै । अब्बेक यूवा युवती लागु औषध दुव्र्यशनीमे फस्टी गैल ओरसे अभिभावकहुक्रे आपन लर्कनहे ढेर ध्यान डेहेपर्ना बटैली ।
अब्बे विद्यार्थीहुकनके परिक्षा सञ्चालन हुइटी बा, मने विद्यार्थीहुक्रे पढाईहे ध्यान नैडेहे मोवाईल हेर्ना, छाडा घुम्न, लागु पदार्थ सेवनमे केन्द्रित हुइना जैसिन समस्यासे पालिकाके शैक्षिक गुणस्तर खस्कटी गैल बटैली ।
उहाँ शैक्षिक अवस्थाके गुणस्तर नतिजा डेखके पालिका चिन्तित रहल बटैटी हरेक विद्यार्थीके अभिभावकसे आ अपन बालबालिकाके भविष्य बनैनामे ध्यान डेना जरुरी रहल बटैली ।
कार्यक्रममे मञ्चके अध्यक्ष सावित्रा घिमिरे, विशिष्ट पहुना डिसिएके कार्यक्रम संयोजक सूर्य विश्वकर्मा सहजीकरण करल रहिट ।
सयोजक विश्वकर्मा समुह विभाजन करके कैलारी गाउँपालिकामे डेखल समस्या ओ समाधानके उपायबारे छलफल करैले रहिट ।
कैलारी गाउँपालिकाके महिला शाखा अधिकृत बालकुमारी चौधरी पालिकामे कुमारी डाइनके संख्या बह्रटी रहल ओ उ कुमारी डाई, बच्चनहे व्यवस्थापनमे भारी चुनौति रहल बटैली ।
पालिकासे ओसिएमसि, गैरसरकारी संस्थासंग समन्वय ओ सहकार्य करके प्रभावितहे निशुल्क स्वास्थ्य उपचार, स्वरोजगारके लाग निशुल्क तालिम जैसिन काममे सहजीकरण करटी आइल जानकारी डेली ।
कार्यक्रमके समापन करटी मञ्चके अध्यक्ष घिमिरे पालिकाहे मैत्रीपूर्ण बनैना टमान इन्डिकेटर बनाई परठ । उ इन्डिकेटर ठीक बा की नैहो कनाबारे समुदायमे जाके अध्ययन करेपरठ । टबकेल्ह मैत्रीपूर्ण हुूइल घोषणा हुइल अर्थ लग्ना बटैली ।
कार्यक्रममे दलित महिला अधिकार मञ्चके आयोजना तथा डिसिएके सहयोगमे सिधरा परियोजनाके परियोजना अधिकृत मिन बहादुर हुडके स्वागत तथा कार्यक्रमके उद्देश्यबारे प्रस्त पारल रहिट । कार्यक्रमके संचालन मञ्चके सामाजिक परिचालक निलु चौधरी करल रही । उहाँ उ परियोजना अन्र्तगत कैलारीके २५ ठो साम्ुदायिक वनमा कार्यक्रम सञ्चालन करल बटैली । कार्यक्रममे मञ्चके सामाजिक परिचालक सीमा महतो, न्यायिक समिति, नेपाल प्रहरी, डब्लुइएचआरडी, भल्मन्सा तथा पुरुष अगुवालगायत सहभागिता रहे ।
