परियोजना सल्लाहकार समितिके बैठक सम्पन्न
पहुरा समाचारदाता
धनगढी, १० चैत । नेपालमा समावेशी समुदायको लागि शान्तिपूर्ण सशक्तीकरण परियोजनाको सल्लाहकार समितिके बैठक मंगरके रोज गोदावरीमे सम्पन्न हुइल बा ।
मानव अधिकारका लागि महिला, एकल महिला समुह सुदुरपश्चिम प्रदेशसे कुर्वे विष्ट्रोके सहयोगमे गोदावरी नगरपालिकामे सन २०२५ से २०२७ सम सञ्चालन करल नेपालमा समावेशी समुदायको लागि शान्तिपूर्ण सशक्तीकरण परियोजनाके सल्लाहकार समितिके बैठक हुइल हो ।
गोदावरी नगरपालिकाके उपप्रमुख शारदादेवी रोकायाके अध्यक्षतामे हुइल कार्यक्रममे मानव अधिकारका लागि महिला, एकल महिला समुह सुदुरपश्चिम प्रदेशके प्रदेश कार्यक्रम अधिकृत वेद अवस्थी परियोजनासे सञ्चालित गरिविधिबारे प्रस्तुतीकरण करल रहिट ।
परियोजनासे गोदावरी नगरपालिकामे रहल एकल महिला, द्वन्दप्रभावित, सीमान्तकृत महिला ओ एचआइभी संक्रमित महिलाहुकनहे समुह गठन करके समुहमे रहल एकल महिलाहुकनहे आवद्ध करैना अभिप्रेरित करले बा । परियोजनासे गोदावरी नगरपालिकामे १२ वटा वडामे ३÷३ वडाके सहभागी रना करके ४ ठो समुह करल बा ।
समुहमे सदस्य संख्या ८४ जाने, एकल महिला संख्या ३६ जाने, द्वन्दपीडित महिला ११ जाने, सीमान्तकृत सदस्य संख्या २१ जाने रहल बटै । एचआइभी संख्या १६ जाने, ४ जाने लोकल लिडर रहल बटै ।
परियोजनासे पाँच दिने वेसार खेतीके तालिम पश्चात गोदावरी नगरपालिकाके वडा नम्बर ८ फकलपुरमे वेसार संकलन तथा प्रशोधन केन्द्र स्थापना करल बा ।
कार्यक्रम अधिकृत अवस्थी उ प्रशोधन तथा विक्री केन्द्रसे वेसार उत्पादन हुके विक्री वितरण हुइटी रहल बटैली । उहाँ कहली, उ केन्द्रसे उत्पादन हुइल बेसार यहाँसे लेके काठमाण्डौसम डिमाण्ड हुइल बा । उपभोक्ताके मनफे जिटना सफल हुइल बटैली । परियोजनासे टमान गतिविधि संचालनसँगे प्रतिनिधि सभा सदस्य निर्वाचनहे लक्षित करके निर्वाचन सम्बन्धी चारु समुहमे निर्वाचन शिक्षा कार्यक्रम करल बटैली ।
उहाँ एकल महिला, द्वन्दप्रभावित, सीमान्तकृत महिला ओ एचआइभी संक्रमित महिलाक बालबालिकाहुकनहे छात्रृति प्रदान करल बटैली । ओस्टेक करके गोदावरी नगरपालिकाके १ ओ १२ नम्बर वडाबाहेक सक्कु वडामे बजेट विनियोजन करल बटैली । एकल महिला, द्वन्दप्रभावित, सीमान्तकृत महिला ओ एचआइभी संक्रमित महिलाहुकनके लाग पालिकासे छुटयाएको बजेट कम हुइल ओरसे सक्कु जनहनहे आयआर्जनके पाटोमे समेटना अप्ध्यारो रहल बटैली ।
कार्यक्रममे नगर उपप्रमुख शारदादेवी रोकाया महिलाहे आर्थिक रुपमे बल्गर बनैना आवश्यक रहल बटैली । उहाँ कहली, एकल महिला, द्वन्दप्रभावित, सीमान्तकृत महिला ओ एचआइभी संक्रमित महिलाहे नगरपालिकासे अइना दिनमे समेटके लैजाई । वहाँहुकनहे सीप ओ आयआर्जनसंँग जोेरे सेक्लेसे केल्ह आर्थिक रुपमे बल्गर बनाई सेक्जाई ।
कार्यक्रममे नगरपालिकाके टमान शाखाके प्रमुख, मानव अधिकारका लागि महिला, एकल महिला समुह सुदुरपश्चिम प्रदेशके अध्यक्ष भगवती हमाल, जिल्ला उपाध्यक्ष धना पाठक, कोषाध्यक्ष मीना भण्डारीलगायत सञ्चारकर्मीहुकनके उपस्थिति रहल रहे ।
