महिलनहे आत्मनिर्भर बनाइक लाग हाथेक सीप आवश्यक: गापा उपाध्यक्ष भगवती

पहुरा समाचारदाता
धनगढी, ११ चैत । कैलारी गाउँपालिकाके उपाध्यक्ष भगवतकुमारी चौधरी महिलाके हात सीप रहलेसे अपनही आत्मनिर्भर हुइना बटैले बटी ।

कैलारी गाउँपालिकाके आयोजनामे यिहे चैत ३ गतेसे सुरु हुइल तालिम चैत १० सम संचालन हुइल आठ दिने उद्यमशिलता विकास तालिम समापन कार्यक्रममे उहाँ उ बाट बटवाइल रहिट । कार्यक्रमके प्रमुख अतिथि रहल उहाँ महिलाहुकनहे आर्थिक रुपमे बल्गर बनैना आधार सृजनाके लाग तालिमके आयोजना करल बटैली ।

महिलाके हात सीप रहि टे महिलाहुक्रे परनिर्भर हुइ नैपरहिन, गाउँपालिका उपाध्उक्ष कहली, जौन घरमे महिला जागिरे बटै, सीप सिखके उद्यम संञ्चालन करलेसे बटै कलेसे ओइनके अलगे पहिचान, मानसम्मान बा । घर परिवार ओ समाजमे हुइना हिंसासे मुक्त बटै । जौन महिलाहे सीप नैसिखले हो । घरेक काम केल्ह करठ उहीहे घर परिवारसे लेके समाजसे कौनो ना कौनो मेरिक लैङिक ंिहसा कैटी रहल बा ।

गाउँपालिकासे यूवा तथा महिलाहुकनहे सीप प्रदान करके अपने गाउँठाउँमे रोजगार बनैना मेरिक कार्यक्रम संचालन करटी आइल गाउँपालिका उपाध्यक्ष बटैली । गाउँपालिकासे प्रदान करल सीपमुलक आय तालिमसे ढेर महिला उद्यमी बन्के व्यवसायफे संचालन करल उहाँ बटैली ।

उहाँ महिला उद्यमीसे सञ्चालन करल व्यवयायके बजार पहुँचके लाग प्रवद्र्धनफे कैटी उत्पादन करल बस्तु बजारसम पुगैना सहयोग करल बटैली ।

आर्थिक समृिद्धके आधार, लद्यु उद्यम मार्फत रोजगार कना मुल नाराके साथ गरिबी निवारणके लाग लघु उद्यम विकास कार्यक्रम (मेडपा) उद्यमशिलता विकास तालिम, व्यवसाय सचेतना तालिम, व्यवसाय सुरु, लैङिक सामाजिक समावेशीकरण (जेसी) तालिम प्रदान कैगिल रहे ।

तालिममे उद्यमीहुकनहे अवसर, आधार, महत्व, उ उद्यमी आवश्यकता, लैंगिक हिंसा न्युनिकरण, आत्मा निर्भर, प्राविधिक ज्ञान विषय बस्तु तालिम डेगिल रहे ।