नेपाल पत्रकार महासंघके ७१ औं स्थापना दिवस मनागिल
पहुरा समाचारदाता
धनगढी, १६ चैत । नेपाल पत्रकार महासंघके ७१ औं स्थापना दिवस सोम्मारके धनगढीमे मनागिल बा । शाखा कैलालीके अध्यक्ष श्रवण देउवाके अध्यक्षतामे हुइल कार्यक्रममे महासंघके केन्द्रीय सदस्य योगन्द्र बलायर प्रमुख अतिथि रहल रहिट ।
पत्रकारहुकनके मर्यादा, प्रेस तथा अभिव्यक्ति स्वतन्त्रता, पेशागत हकहित ओ सुरक्षाके लाग स्थापना हुइल नेपाली पत्रकारके छाता संगठन नेपाल पत्रकार महासंघकाके आज ७१ औं स्थापना दिवस मनागिल हो ।
स्वर्गीय कृष्णप्रसाद भट्टराईसे २०१२ सालमे स्थापना करल यी संस्थासे प्रेस स्वतन्त्रता साथे नेपाली जनताके नागरिक, राजनीतिक,सामाजिक तथा सांस्कृतिक अधिकार प्राप्तीमे समेत भारी वर्तमान समयमे आके नेपाली पत्रकार ओ पत्रकारिताके लाग यी संस्थाके महत्व बह्रल बा ।
कार्यक्रममे शुभकामना डेटी संचारकर्मीहुक्रे पत्रकारहुकनप्रति विश्वास घटटी गैल कहटी आब सच्याके जैना ओ उ आपनसे सुरुवाट कैना बटैले रहिट ।
स्थापना दिवसके अवसर पारके कैलाली जिल्लाके स्थापनाकालसे अभिनसमके पूर्व अध्यक्षहुकनहे सम्मान कैगिल बा ।
ओस्टे करके करके ७१ औं स्थापना दिवसके अवसरमे धनगढीमे हुइल पत्रकारके भेलासे पाँच बुँदे कैलाली घोषणापत्र जारी करले बा ।
नेपाल पत्रकार महासंघ कैलाली शाखाके स्थापनासे अब्बेसम योगदान डेहल हाल दिवंगत हुइल संस्थापक सभापति अम्बिकाप्रसाद उपाध्याय, लिलानाथ ओझासहित सक्कु दिवंगत पत्रकारप्रति यी भेला हार्दिक श्रद्धाञ्जली अर्पण करले बा ।
नेपाल पत्रकार महासंघ कैलाली शाखा नागरिकके सूचनाके हक, प्रेस तथा अभिव्यक्ति स्वतन्त्रता, पत्रकारके हकहित ओ सुरक्षाप्रति पूर्ण प्रतिवद्ध रहल घोषणा करले बा । पत्रकार महासंघ कैलाली शाखा पत्रकारहे पत्रकारके सिद्धान्त, नैतिकता ओ आचारसंहिताके पूर्ण पालना करटी जिम्मेवार ओ उत्तरदायी पत्रकारिताके लाग सक्कु पत्रकार ओ सञ्चार गृहसंग अनुरोध करले बा ।
वर्तमान बदल्टी राजनीतिक अवस्थामे सरकारसे सुशासन, पारदर्शिता ओ जवाफदेहिताके लाग चालल सक्कु सकारात्मक कदमके समर्थन करटी स्वतन्त्र प्रेस, नागरिक अधिकार तथा वाक तथा अभिव्यक्ति स्वतन्त्रता सुनिश्चित कैना हरेक संरचना ओ अभ्यास तथा नीतिप्रति सरकार पूर्ण प्रतिवद्ध रना विश्वास व्यक्त करल बा ।
नेपाल पत्रकार महासंघ कैलाली शाखा स्थापना दिवसके अवसरमे आयोजित कार्यक्रममे सहभागी हुइल सक्कु पत्रकारहे धन्यवाद ज्ञापन करल बा ।
