आगलागीसे टमान धनमाल जरके नष्ट

पहुरा समाचारदाता
धनगढी, २२ चैत । कैलाली घोडाघोडी न.पा.८ आमफाँटा बैठना नेत्र कुमालके कच्ची गोठमे आगलागी हुके गोठभिटर रहल ४ ठो छेगरी, छेगरा जरके मुवल बटै ।

आगलागीसे गोठ ओ गोठ भिटर रहल मोटरसाइकल, साइकल लगायतके सामान करके करिब रु.३ लाख ५८ हजार बराबरके धनमाल जरके नष्ट हुइल बा । आगलागीसे मानविय क्षति नैहुइल, स्थानीय, प्रहरी ओ दमकलके सहयोगमे आगलागी नियन्त्रणमे आइल हो ।

ओस्टेक करके कैलाली घोडाघोडी न.पा.३ निम्दि बैठना दान बहादुर चौधरीके गोठमे आगलागी हुके गोठ ओ गोठभिटर रहल आलु, धान कट्ना रिफर, साइकल, त्रिपाल लगायतके सामान लगायतके सामानहरु करके अन्दाजी मुल्य रु.१ लाख ७३ हजार बराबरके धनमाल जरके नष्ट हुइल हो । आगलागीसे मानविय क्षति नैहुइल, स्थानीय, प्रहरी ओ दमकलके सहयोगमे आगलागी नियन्त्रणमे आइल हो ।

ओस्टेक करके शनिच्चर रात १० बजे धनगढी उपमहानगरपालिका वार्ड न. १८ फुलबारी बहुमुखी क्याम्पस के छेउमे कुम्भ गिरीके गोठमे आगलागी हुके क्षति हुइल बा । दुसर घर क्षति हुइनासे धनगढी उपमहानगरपालिकाके नगर प्रहरी दमकल टोलीसे २ ठो दमकलके प्रयोगसे पुर्ण रुपमे आगो नियन्त्रणमे लेहल रहे ।