धनगढीके सामुदायिक स्कुलके नतिजामे क्रमिक सुधार

पहुरा समाचारदाता
धनगढी, २७ चैत । धनगढीमे कक्षा ८ के परीक्षाके वार्षिक परीक्षामे सामुदायिक विद्यालयमे ५०।०६ प्रतिशत विद्यार्थी उत्तीर्ण हुइल बटै ।

धनगढी उपमहानगरपालिकासे लेहल वार्षिक परीक्षाके नतिजामे सामुदायिक विद्यालयके नतिजा उल्लेख्य रुपमे सुधार हुइल बा । २०७९ सालमे सामुदायिक विद्यालयके नतिजा ९।४७ प्रतिशत रहल रहे कलेसे, २०८० सालमे ३०।७९ प्रतिशत, २०८१ सालमे ४२।१६ रहल सामुदायिक विद्यालयके नतिजा हाल आके ५० प्रतिशतसे ढेर पुगल हो ।

सामुदायिक विद्यालयसे २०८२ सालमे ४३ सामुदायिक विद्यालयके २ हजार ५४३ जाने परीक्षामे सहभागी हुइल रहिट । सहभागी मध्ये १ हजार २७३ जाने उत्तीर्ण हुइल बटै ।