सुदूरपश्चिम प्रदेशके मुख्यमन्त्रीमे खगराज भट्ट नियुक्त

पहुरा समाचारदाता
धनगढी, २९ सावन । सुदूरपश्चिम प्रदेशके लावा मुख्यमन्त्रीमे नेकपाके खगराज भट्ट नियुक्त हुइल बटै ।
नेकपा एमालेके समर्थनमे भट्टसे शुकके बिहान प्रदेश प्रमुख नजिर मियाँसमक्ष लावा मुख्यमन्त्रीके लग दाबी पेस करल रहे । दाबी पेस करल लगत्ते प्रदेश प्रमुख मियाँसे भट्टहे मुख्यमन्त्री पदमे नियुक्त करल हो ।

प्रदेश प्रमुख मियाँ समक्ष मुख्यमन्त्री पद ओ गोपनीयताके शपथ ग्रहण कार्यक्रम करल हो । एकर आघे, संविधानके धारा १६८ के उपधारा २ बमोजिम दुई ओ दुईसे ढेर बढी दलके समर्थनमे बहुमत जुटाइन सेक्ना प्रदेश सभा सदस्यहे मुख्यमन्त्रीमे दाबी पेस कैना प्रदेश प्रमुख मियाँ बिफेक साझके आह्वान करल रहे ।