४५औं अन्तर्राष्ट्रिय शान्ति दिवसके अवसरमे छलफल 

धनगढी, १ कुवाँर । ४५औं अन्तर्राष्ट्रिय शान्ति दिवसके अवसरमे विफेक रोज धनगढीमे द्वन्द्वपीडित एकल महिला सरोकारवाला निकाय बिच छलफल कैगिल बा ।

मानव अधिकारका लागि महिला एकल महिला समुहके आयोजना ओ कुर्वे विष्ट्रोके सहयोगमे ४५औं अन्तर्राष्ट्रिय शान्ति दिवसके अवसरमे विफेक रोज धनगढीमे द्वन्द्वपीडित एकल महिला सरोकारवाला निकाय विच छलफल कैगिल हो ।

समुहके जिल्ला अध्यक्ष मनोदरी भण्डारीके अध्यक्षतामे हुइल कार्यक्रमके विशिष्ट पहुनामे गैरसरकारी संस्था महासंघ सुदूरपश्चिम प्रदेश अध्यक्ष देवी खनाल, फाया नेपालके अध्यक्ष गोमा आचार्य, द्वन्द्वपीडितहरुका लागि साझा चौतारीके प्रदेश संयोजक गणेश मल्ल रहल रहिट ।

कार्यक्रममे गैरसरकारी संस्था महासंघ सुदूरपश्चिम प्रदेश अध्यक्ष देवी खनाल सरकारसे शान्ति सम्झौता करल मने चुनौती रहल बटैलै । उहाँ द्वन्दपीडितहुक्रे अभिनसम न्याय नैपाइल बटैलै ।

फाया नेपालके अध्यक्ष गोमा आचार्य, नेपालमे अभिनसम द्वन्दके समाधान नैहुइल ओ हतियार केल्ह विसाइल बटैली । द्वन्द्वपीडितहुक्रे अभिनसम परिचयपत्र नैपाइल ओ उ स्थानीय सरकारसेफे डेहे सेक्ना बटैली ।

द्वन्द्वपीडितहुकनके लाग साझा चौतारीके प्रदेश संयोजक गणेश मल्ल शान्ति सम्झौता हुइल अटरा बरस हुइलेसेफे द्वन्द्वपीडितहुक्रे अभिनसम न्याय नैपाइल बटैलै । एड्भोकेसी फोरमके संयोगक पुष्पविक्रम शाही द्वन्द्वस विनास किल हुइना ओरसे जे जा सहयोग करे सेकटा ओहे करे परल नैसेक्ठो कलेसे बिगारे फेन नैपरना कहलैं ।

कार्यक्रममे द्वन्द्वपीडित पदम देवी बम अपन गोसियाहे २०६० सालमे वेपत्ता पारलपाछे कठिन जिन्गी जिए परल बटैलै । उहाँ कहलै, गोसियाहे वेपत्ता बनाइलपाछे अपने ऋण करके छाईहे मास्टरसम ओ छावाहे स्नातकसम पह्राइल मने उ अनुसार रोजगारीके व्यवस्था नैहुइल बटैलै ।

ओस्टेक करके द्वन्द्वपीडित राधिका चौधरी आपन बाबाहे बेपत्ता बनाइल पाछे अपनेहुक्रे चाहलअनुसार पह्रे नैपाइल बटैली ।

कार्यक्रममे मानव अधिकारका लागि महिला एकल महिला समुहके प्रदेश कार्यक्रम अधिकृत वेद अवस्थी सहजीकरण ओ जिल्ला सहसचिव विमला देवल जैरु स्वागत मन्तव्य राखल रहिट ।