सुदूरपश्चिममे कुवाँरमे ३ सय २० अपराधिक मुद्दा दर्ता
पहुरा समाचारदाता
धनगढी, १० कार्तिक । सुदूरपश्चिम प्रदेशमे कुवाँर महिनामे टमान मेरिक ३२० ठो अपराधिक घटनाके मुद्दा दर्ता हुइल बा ।
सुदूरपश्चिम प्रदेश प्रहरी कार्यालय जन सम्पर्क तथा मिडिया समन्वय शाखाके डेहल जानकारी अनुसार गैल कुवाँर महिनामे टमान मेरिक ३२० ठो अपराधिक घटनाके मुद्दा दर्ता हुइल सुदूरपश्चिम प्रदेश प्रहरी कार्यालयके प्रवक्ता तथा सूचना अधिकारी तथा प्रहरी वरिष्ठ उपरीक्षक पदमबहादुर विष्ट जानकारी डेलै ।
कुवाँर महिनामे ज्यान सम्बन्धी मुद्दा ६१ ठो, आत्महत्या ५१ ठो, चोरी सम्बन्धी २०, संगठित तथा आर्थिक अपराध ११, सामाजिक अपराध ४४, महिला तथा बालबालिका सम्बन्धी अपराध २७, सवारी ज्यान १५ ओ ९१ करके जम्मा ३२० ठो घटना दर्ता हुइल उहाँ जनैलै ।
जघन्य तथा गम्भीर अपराधमे कर्तव्य ज्यान ४, हातहतियार १, मानव वेचविखन १, बैकिङ कसुर २१, जुवातास ८, ठगी ९, महिला वालबालिका तथा जेष्ठ नागरिकसंग सम्बन्धी २७ करके ७९ घटना दर्ता हुइल बा ।
चालु मुद्दाके प्रतिवादी पक्राउमे ३२० ठो घटना दर्तामे ३५० जाने पक्राउ परल बटै । कलेसे ६८ जाने पक्राउ कैना बाँकी रहल बटै । २३ सय ५१ ठो पेण्डिङ मुद्दामे ६८ ठो फर्छौैैट हुइल बा । फैसला कार्यान्वयनके तथ्यांकमे ८२ जाने पक्राउ परलमे ४७ लाख ५ हजार ७७७ रुप्या राजश्व संकलन हुइल बा ।
कुवाँर महिनामे महिला, पुरुष, बालबालिका तथा जेष्ठ नागरिक जम्मा ९२ जाने हेराइलमे ५५ जाने केल्ह फेला परल बटै । जेम्ने महिला ४२ जाने हेराइलमे २० जाने फेला, बालक ९ हेराइलमे ७ जाने फेला, बालिका २१ जाने हेराइलमे १२ जाने फेला, पुरुष १८ जाने हेराइलमे १४ जाने फेला, जेष्ठ नागरिक २ जाने हेराइलमे २ जाने फेला परल बटै ।
घरेलु हिंसाके १०७ ठो मुद्दा दर्ता हुइलमे १०० ठो मिलापत्र, ७ ठो अदालतमे पठाइल बा । आत्महत्यामे ५१ जाने जाने मन्से पुरुष २७, महिला १७ ओ बालिका ५, बालक २ जाने रहल बटै । ठाडो उजुरी ९५१ ठो रहलमे ८४१ फर्छौट हुइल बा । कलेसे ११० ठो बाँकी रहल बा ।
