आयकर दाखिलामे उत्कृष्ट निसर्ग अस्पताल, अध्यक्ष तीर्थराज पन्त सम्मानित
पहुरा समाचारदाता
धनगढी, १ अगहन । आर्थिक वर्ष २०८१–०८२ मे सबसे ढेर आयकर दाखिला कैना करदातामध्ये पर्न सफल निसर्ग अस्पताल एण्ड रिसर्च सेन्टर प्रा।लि सम्मानित हुइल बा ।
१५औँ राष्ट्रिय कर दिवस २०८३ के अवसरमे आन्तरिक राजस्व कार्यालय धनगढीसे अस्पतालहे सम्मानपत्र प्रदान करल हो ।
नेपाल सरकार, अर्थ मन्त्रालयअन्तर्गतके आन्तरिक राजस्व कार्यालय धनगढीसे अपन कार्यक्षेत्रभिटर रहल करदातामध्ये आर्थिक वर्ष २०८१–०८२ के आय विवरणअनुसार सबसे ढेर आयकर दाखिला करके राष्ट्रिय विकासमे योगदान पुगाइल कहटी निसर्ग अस्पतालहे सम्मान करल हो ।
अस्पतालके अध्यक्ष तीर्थराज पन्त उ सम्मान प्राप्त करल हुइट । स्वास्थ्य सेवा क्षेत्रमे क्रियाशील निसर्ग अस्पतालसे नागरिकहे स्वास्थ्य सेवा प्रदान कैनाके साथे राज्यप्रतिके आर्थिक दायित्व निर्वाहमे समेत जिम्मेवार भूमिका खेल्टी आइल बा । अस्पतालसे नियमित रूपमे कर दाखिला करटी राष्ट्रिय विकासमे योगदान पु¥याइल कदरस्वरूप प्राप्त सम्मानसे संस्थाके सामाजिक तथा आर्थिक उत्तरदायित्वहे थप उजागर करले बा ।
यिहे अवसरमे आन्तरिक राजस्व कार्यालय धनगढीसे निसर्ग अस्पतालसँगे आयुष सर्जिकल ओ नास्ट कलेजहे समेत सम्मान करले बा ।

