मन्त्रिपरिषद विस्तार बदर, २० मन्त्री पदमुक्त

काठमाडौं, ९ असार । प्रधानमन्त्री केपी शर्मा ओली प्रतिनिधिसभा विघटनपाछे करल मन्त्रिपरिषद विस्तारहे सर्वोच्च अदालतसे बदर करडेहल बा ।

मंगरके प्रधानन्यायाधीश चोलेन्द्र शम्शेर जबरा ओ न्यायाधीश प्रकाशकुमार ढुंगानाके इजलाससे संसद विघटनपाछे नियुक्त हुुइल उपप्रधानमन्त्री, मन्त्री ओ राज्यमन्त्रीहे काम नइकैना, करे नइडेना, नइडेहुवइना कहिके अन्तरिम आदेश जारी करल हो । यी संगे दुई उपप्रधानमन्त्री, १५ मन्त्री ओ तीन राज्यमन्त्री स्वतः पदमुक्त हुइल बटै ।
प्रधानमन्त्री काम चलाऊ
जेठ ७ गते संसद विघटन करल प्रधानमन्त्री ओली जेठ २१ मे एक उपप्रधानमन्त्री, ९ मन्त्री ओ तीन राज्यमन्त्रीहे हटैले रहिट कलेसे उपप्रधानमन्त्रीसहित १० मन्त्री ओ दुई राज्यमन्त्री नियुक्त करले रहिट ।

२७ जेठमेफे उहाँ सात मन्त्री ओ एक राज्यमन्त्री थपके मन्त्रिपरिषदहे २५ सदस्यीय बनैले रहिट ।
प्रधानन्यायाधीश जबरा समेतके संयुक्त इजलाससे भर ७ जेठके मध्यरातमे प्रतिनिधिसभा विघटनसंगे संविधानके धारा ७७(१) अनुसार ओलीके प्रधानमन्त्री पद रिक्त हुइल ओ उपधारा ३ बमोजिम सरकार कामचलाउ रहल बटाइल बा ।

कामचलाउ प्रधानमन्त्रीहे मन्त्रिपरिषद विस्तार कैना अधिकार नइहुइना सर्वोच्चके आदेशमे उल्लेख बा । ‘तत्काल कायम रहल प्रधानमन्त्री सामान्य अवस्थाके प्रधानमन्त्री जस्टे मन्त्रिपरिषद विस्तार कैना, थप करे सेक्ना कहिके संविधानके कौनो धारामे उल्लेख नइहुइल ओ धारा ७७ (३) साविकके मन्त्रिपरिषदसे कार्य सञ्चालन कैना कहिके किटान करटी रहल अवस्थामे प्राइम फेसी रुपमे मन्त्रिपरिषदके विस्तार कैना वा थप कैना अधिकार प्रधानमन्त्रीमे रहल नइविल्गाइठ आदेशमे कहल बा ।

प्रधानमन्त्री ओलीके सिफारिसमे राष्ट्रपतिसे जेठ २१ ओ २७ गते हुइल उपप्रधान, मन्त्री तथा राज्यमन्त्रीहुकनके नियुक्ति संविधानके मुल मर्म ओ भावना विपरित हुइल ठहर करटी इजलाससे मुद्दाके अन्तिम टुंगो नइलागटसम विघटनआघे कायम रहल चार मन्त्री बाहेकहे काम नइकैना÷नइकरैना अन्तरिम आदेश डेहल बा ।
के–के हुइलै पदमुक्त ?
सर्वोच्चके अन्तरिम आदेशसंगे दुई उपप्रधानसहित १७ मन्त्री ओ तीन राज्यमन्त्री पदमुक्त हुइल बटै ।
उपप्रधानमन्त्री तथा परराष्ट्रमन्त्री रघुवीर महासेठ
उपप्रधानमन्त्री तथा शहरी विकासमन्त्री राजेन्द्र महतो
गृहमन्त्री खगराज अधिकारी
उर्जामन्त्री शरतसिंह भण्डारी
खानेपानीमन्त्री अनिलकुमार झा
स्वास्थ्य तथा जनसंख्यामन्त्री शेरबहादुर तामाङ
उद्योग, बाणिज्य तथा आपूर्तिमन्त्री राजकिशोर यादव
भूमिव्यवस्था, सहकारी तथा गरिबी निवारणमन्त्री लक्ष्मणलाल कर्ण
सञ्चार तथा सूचनामन्त्री नैनकला थापा
कृषि तथा पशुपक्षीमन्त्री ज्वालाकुमारी साह
श्रम, रोजगार तथा सामाजिक सुरक्षामन्त्री विमलप्रसाद श्रीवास्तव
संघीय, पर्यटन तथा पर्यटन उडडयनमन्त्री उमाशंकर अरगरिया
महिला, बालबालिका तथा ज्येष्ठ नागरिक मन्त्री चन्दा चौधरी
युवा तथा खेलकुद मन्त्री एकवाल मियाँ
वन तथा वातावरण मन्त्री नारदमुनि राना
संघीय मामिला तथा सामान्य प्रशासनमन्त्री गणेशकुमार पहाडी
प्रधानमन्त्री तथा मन्त्रिपरिषदके कार्यालय हेर्ना मन्त्री मोहन बानियाँ
उर्जा, जलस्रोत तथा सिंचाई राज्यमन्त्री चन्द्रकान्त चौधरी
महिला बालबालिका तथा ज्येष्ठ नागरिकमन्त्री रेणुका गुरुङ
वन तथा वातावरण राज्यमन्त्री आशाकुमारी विक

पौडेलके उपप्रधानमन्त्री कायमे
सर्वोच्चसे २१ जेठमे मन्त्रिपरिषद् विस्तार करेबेर बढुवा हुइल अर्थमन्त्री विष्णु पौडेलके उपप्रधानमन्त्री पद भर कायमे राखल बा ।
अब मन्त्रिपरिषदमे प्रधानमन्त्री ओली ओ चार मन्त्री केल बाँकी रहल बटै । उहाँक क्याबिनेटमे उपप्रधान तथा अर्थमन्त्री विष्णु पौडेल, भौतिक पूर्वाधार तथा यातायातमन्त्री बसन्त नेम्वाङ, शिक्षा, विज्ञान तथा प्रविधिमन्त्री कृष्णगोपाल श्रेष्ठ ओ कानुन, न्याय तथा संसदीय मामिलामन्त्री लीलानाथ श्रेष्ठ बटै ।