कैलाली ओ बर्दिया जोरना सत्ति पुलके मर्मत

पहुरा समाचारदाता
धनगढी, १८ असार । कैलालीके टीकापुर ओ बर्दियाके राजापुर जोरना कर्णाली लडियाके सत्ति पुल भसक्के अवरुद्ध हुइल आवागमन ५ दिनपाछे सुचारू हुइल बा ।

पुलके पूर्वक भाग भसक्कल ओरसे आवागमन अवरुद्ध हुइलमे मर्मत पाछे सुचारू हुइल हो ।

लडिया पूर्र्वक भाग काटे लागल रहे । लडिया कटान रोक्क लाग इलाका प्रहरी कार्यालय राजापुरसे सुरक्षाकर्मी खटल रहैं ।

यि पुल हुलाकी राजमार्गअन्तर्गत निर्माण हुइल हो । पुल निर्माण हुइल सँगे पूर्र्वक भागमे लडिया हरेक बरस कटानमे पर्र्टिट आइल बा ।

यि पुल निर्माण हुइल ओरसे कैलाली ओ बर्दिया जिल्लाके दक्षिणी क्षेत्रमे यातायात सेवा संचालन हुइल हो । टमान यातायात समिति बस सेवा सुरु कैगैल रहे कलेसे साना सवारीके साधन समेत संचालनमे आइल रहे ।