भारत जैटी रहल ४ युवतीके उद्धार

कञ्चनपुर, २४ असार । भारतीय सीमावर्ती बजार मेलाघाट होके भारत जैटी रहल दोधारा चाँदनी नगरपालिका–१० के चार युवतीके बुधके उद्धार करल बा ।

शान्ति पुनःस्थापना गृह कञ्चनपुरसे सीमा नाकासे युवतीके उद्धार करल हो । उद्धार करल युवतीहे प्रहरीके जिम्मा लगाइल बा ।

पुनःस्थापना गृहके दोधारा चाँदनीके परामर्शदाता रेखा भण्डारी पुजारा भारतीय राजधानी दिल्लीमे काम कैना कहटी जाइ लागल अवस्थामे फेला पारके उद्धार करल बटाइल बा । अवैधरूपमे भारत जाइ लागल युवती मानव बेचबिखनके उच्च जोखिममे पर्ना हुइल ओरसे उद्धार करल उहाँके कहाइ बा ।

इलाका प्रहरी कार्यालय दोधारा चाँदनीहे बुझाइल युवतीहे घर परिवारके जिम्मा लगाइल बा ।