कालोबजारीविरुद्ध डडेल्धुरा प्रशासन आघे प्रदर्शन
डडेल्धुरा, २५ असार । पेट्रोलमे कालोबजारी हुइल कटि डडेल्धुरामे विरोध प्रदर्शन हुइल बा । बोलन्या थली युनिट डडेल्धुरासे शकके रोज पेट्रोलके कृत्रिम अभाव देखाके कालोबजारी करल कटि विरोध प्रदर्शन करल हो ।
बजारमे कृत्रिम अभाव सृजना करके कालोबजारी करे खाजल कटि बोलन्या थली जिल्ला प्रशासन कार्यालय आघे टायर बारके विरोध प्रदर्शन करल हो ।
डडेल्धुरामे वीर बेताल ओ उग्रतारा आयल करके दुई ठो पेट्रोल पम्प बा । मने, यी दुनु पम्प उपभोक्ताहे पेट्रोल नैडेहे यहाँक किराना पसलहे डेटिरहलसमेत आरोप लगैले बा । अइसिन महामारीमे फेन यहाँक पेट्रोल पम्पसे कालोबजारी करलमे समेत स्थानीय प्रशासन मौन बैठल कटि प्रदर्शन करल जनागिल बा ।
पेट्रोल पम्पमे पेट्रोल नैपैना ओ बजारमे खुलयाम पैना गुनासो बह्रलपाछे प्रशासन कार्यालय आघे टायर बारके विरोध प्रदर्शन करल युनिटके सहसंयोजक सुरत तमोली बटैलैं । प्रमुख जिल्ला अधिकारीहे ज्ञापनपत्र बुझाइ खोजलमे ४ बजे आउ कहिके प्रशासन गेटसे लौटाडेहल सहसंयोजक तमोली बटैलैं ।
जिल्लामे संचालित पम्पमे पेट्रोल नैपैना गुनासो दिनप्रति बह्रटि बा । बजारमे जहाटहाँ बोतलमे पेट्रोल मिल्ना मने पप्ममे पेट्रोल आइल दोसर दिने ओराइल कटि सेवाग्राहीहे लौटाइल गुनासो मोटरसाइकल चालकहुकनके बा ।
पेट्रोल पम्पमे पेट्रोल नैमिललपाछे सरकारके तोकलसे ढेर रुपैयाँमे बजारसे पेट्रोल डारेपरना अवस्था सिर्जना हुइल गुनासो उहाँक बा ।
