राष्ट्रपतिसे राष्ट्रिय सभाके अधिवेशन अन्त्य

काठमाडौं, २८ असार । राष्ट्रपति विद्यादेवी भण्डारी राष्ट्रिय सभाके अधिवेशन अन्त्य करले बटि । मन्त्रिपरिषद्के सिपारिसमे राष्ट्रपति भण्डारी सोम्मार रात १२ बजेसे राष्ट्रिय सभाके चालू अधिवेशन अन्त्यके घोषणा करल हुइटि ।

संघीय संसद् सचिवालयसे राष्ट्रपति चालू अधिवेशन अन्त्य करल जानकारी करैले बा । संघीय संसद् सचिवालयसे विज्ञप्ति जारी करके उ जानकारी डेहल हो ।

राष्ट्रिय सभा मंगरके दिन ३ बजेके लाग औरे बैठक तय करले रहे ।

राष्ट्रिय सभाके अधिवेशन असार १७ गते सुरु हुइल रहे । मन्त्रिपरिषद्के सोम्मारके बैठकसे राष्ट्रिय सभाके अधिवेशन अन्त्य करना राष्ट्रपतिहे सिफारिस करले रहे ।