लडियामे डुबके बालिकाके मृत्यु

कञ्चनपुर, ३१ असार । कञ्चनपुरमे लडियामे डुबके एक बालिकाके मृत्यु हुइल बा ।

दोधारा चाँदनी नगरपालिका–४, सुर्खेती टोलके चार वर्षिया बालिका सम्झना सुनारके महाकाली लडियामे डुबके बुधके साँझ मृत्यु हुइल हो । संघरियनसँग खेल्न क्रममे लडियामे डुबल सम्झानाके शव सशस्त्र प्रहरी निकरले बा ।

बालिका लडियामे डुबल खबर पैटिकि बोर्डर आउट पोष्ट दोधरा चाँदनीसे कृष्णबहादुर बोहराके कमाण्डमे १० जहनके टोली ओ इलाका प्रहरी कार्यालय दोधारा चाँदनीके प्रहरी निरीक्षक भरतराज गिरीके कमाण्डमे रहल पाँच जहनके टोली खोजतलासमे जुटल रहे ।

लडियामे खोजतलास करके दुई किलो मिटर डुर लडियामे डुबल अवस्थामे शव फेला परल सशस्त्र प्रहरी बल नेपाल नम्बर ३५ गण हेडक्वाटर शैलेश्वरीके सशस्त्र प्रहरी उपरीक्षक वीरेन्द्रबहादुर ऐर बटैलैं ।