कैलालीमे लडियामे पुहके युवती बेपत्ता

धनगढी, ३१ असार । कैलालीमे लडियामे पुहके १ युवती बेपत्ता हुइल बटि । गोदावरी नगरपालिका–६, लालपुरमे स्थानीय गौरीदेवी लडियामे लहैना क्रममे ओहे ठाउँके १८ वर्षिया आरती घर्तीमगर पुहके बेपत्ता हुइल प्रहरी जनैले बा ।

इलाका प्रहरी कार्यालय मालाखेतीके प्रहरी निरीक्षक उमेश चन्द बिफेक रोज दिनके लडियामे लहैना क्रममे घर्तीमगर पुहके बेपत्ता हुइल जानकारी डेटि खोजी कार्य हुइटिरहल बटैलैं ।

उहाँसँगे लडियामे लहाइ गइल ओहे ठाउँके सीता घर्तीमगरके स्थानीय उद्धार करले बटैं ।