धनगढीमे बाल उद्यानके उद्घाटन

धनगढी, ३ सावन । धनगढी उपमहानगरपालिका–१९, फूलबारी बाल उद्यान सञ्चालनमे आइल बा । उद्यानके एक कार्यक्रमके बीच धनगढी उपमहानगरपालिकाके नगरप्रमुख नृपबहादुर वड ओ उपप्रमुख सुशीला मिश्र भट्ट उद्घाटन करलैं ।

२ करोड ३८ लाख ११ हजार ६ सय ७० लागतमे निर्माण हुइल उ उद्यानके निर्माण कार्य २०७६ सालसे निर्माण कार्य सुरु हुइल रहे । चारुओर सुन्दर पर्खाल, बीच भागमे पानीके फोहरा, लाइटिङ, आरामके लाग प्यारा फिट निर्माण लगायतके संरचना बनाइल बा ।

आकर्षक फूलके बोट लगाइल बा कलेसे फोहोर मैला व्यवस्थापनके लाग डस्टविन ‘फोहर मलाई’, ड्यासिङ कार, डुङ्गा, रोटेपिङ, चर्का, ब्रेक डान्सलगायत मनोरञ्जन लेहे सेक्ना आधुनिक साधन ढरना बाँकी बा ।

धनगढी उपमहानगरपालिकामे हालसम धनगढी उपमहानगरपालिका वडा नम्बर १, २ ओ वडा नम्बर १९ मे बाल उद्यान सञ्चालनमे रहल बा ।