रावल प्रतिनिधिसभा सदस्य (सांसद) पदसे राजीनामा
काठमाडौं, ३ सावन । नेकपा एमालेके एकता जोगैना कार्यदलमार्फत् जुटाइल दशबुँदे सहमतिमे वरिष्ठ नेता माधवकुमार नेपाल असहमत हुइलपाछे उपाध्यक्ष भीम रावल प्रतिनिधिसभा सदस्य (सांसद) पदसे राजीनामा डेहल बटै ।
कार्यदलमे रहल नेताहुक्रे नेता नेपालके निवास कोटेश्वर पुगके दश बुँदे सहमतिमे ठरहयाके एकता जोगैना आग्रह करल रहिट । मने माधव नेपाल सहमत नइहुइल । ‘उहाँ (माधव नेपाल)से कौनौ प्रतिक्रिया नइडेलै, मने हम्रे एकता जोगैना दश बुँदे जगमे आघे बह्रे परठ कहल, एमाले सचिव गोकर्ण विष्ट कहलै ।
अपनेहुक्रे करल सहमति स्वीकार कैना माधव नेपाल तयार नइहुइलपाछे रावल राजीनामा डेना बटैले रहिट । रावलके राजीनामा रोक्न माधव समूहके नेताहुक्रे लागल रहिट । उपाध्यक्ष रावल संसद् सचिवालयमे राजीनामा बुझाई जैना हुइलपाछे उ आघे नेता राजीनामा रोके पुगल रहिट ।
उहाँ उपाध्यक्ष रावलसे बुझाइल राजीनामा पत्र सांसद झपट रावल थुटके लैगिल रहिट । ‘उहाँ टे राजीनामा डेहे हम्रे रोक्ली मने उहाँ नइरुक्लै, एक नेता कहलै ।
संसद् सचिवालयसे निकरके सभामुखहे राजीनामा बुझाई जैना क्रममे पत्रकारहुकनसंग रावलसे राजीनामा घोषणा करलै । राजीनामा पत्र पढ्न क्रममे स्थायी कमिटी सदस्य सुरेन्द्र पाण्डेसे रोके खोजल रहिट । मने रावल सहमत नइहुइलै । राजीनामा पत्र वाचन पढके सुनैलै ।
