प्रधानमन्त्री देउवाहे भारतीय समकक्षी मोदी डेलैं बधाई
काठमाडौं, ४ सावन । प्रधानमन्त्री शेरबहादुर देउवाहे भारतीय प्रधानमन्त्री नरेन्द्र मोदी बधाई डेले बटैं । अँट्वार संसद्मे विश्वासके मत पाइलसँगे मोदी देउवाहे बधाई डेहल हुइँट् । यीआघे प्रधानमन्त्रीमे नियुक्त हुइलसँगे भारतीय प्रधानमन्त्रीसे बधाई डेलेसे फेन यीबेर भर ढिल करके बधाई आइल हो ।
मोदीसे नरेन्द्र मोदी नामके ट्विटर ह्यान्डलसे बधाई डेले बटैं । उहाँ लिख्ले बटैं, ‘प्रधानमन्त्री शेरबहादुर देउवाहे बधाई तथा सफल कार्यकालके शुभकामना । मै हमार सब क्षेत्रमे रहल अनौठो साझेदारीहे बह्रैना ओ नागरिकके बीचमे रहल गहिर सम्बन्धहे मजबुत बनैना अप्नेकसँग सहकार्य करना तयार बटुँ ।’
प्रधानमन्त्री शेरबहादुर देउवाहे अँट्वर १६५ जाने सांसद विश्वासके मत डेले बटैं । प्रधानमन्त्री देउवाके विपक्षमे ८३ मत गिरल रहे कलेसे ‘मत नैडेम’ कना पक्षमे १ मत परल रहे । देउवाहे एमालेके २२ जाने सांसद समेत विश्वासके मत डेले रहैं ।
देउवा सावन २९ गते प्रधानमन्त्रीके जिम्मेवारी सम्हरले रहैं । सर्वोच्च अदालतके सावन २८ गतेके फैसलाअनुसार राष्ट्रपति विद्यादेवी भण्डारी बिहानके देउवाहे प्रधानमन्त्री पदके शपथ खवैले रहि ।
