गोसिनियक कान कटुइया मनोज नेपाली पक्राउ

बझाङ, ४ सावन । गोसिनियक कान कटुइया मनोज नेपाली पक्राउ परल बटैं । जयपृथ्वी नगरपालिका–१, भण्डारके २५ वर्षिय मनोजहे अँट्वार जयपृथ्वी–७ के कचाली खोला लग्गेसे पक्राउ करल जिल्ला प्रहरी कार्यालय बझाङके प्रहरी निरीक्षक कमलप्रसाद चौधरी जानकारी डेलैं ।

मनोज गैल असार ३० गते परपुरुषसँग हाँसल आरोपमे गोसिनिया जानकीके चक्कुसे कान कट्ले रहैं । टबसे उ फरार रहैं । पक्राउ परल मनोजउप्पर ज्यान मर्ना उद्योगमे मुद्दा दर्ता करके अनुसन्धान आघे बह्राइल जिल्ला प्रहरी कार्यालय बझाङके प्रहरी प्रमुख प्रहरी नायव उपरीक्षक रुपक खड्का बटैलैं ।