जेसीबी दुर्घटनामे एकके मृत्यु

धनगढी, ४ सावन । अछाममे जेसीबी दुर्घटना होके एक जनहनके मृत्यु हुइल बा । जिल्लाके मंगलसेन नगरपालिका १४ कालागाउँमे जेसीबी दुर्घटना होके ढकारी गाउंपालिका वडा नम्बर २ के ३७ वर्षीय रामबहादुर साउंदके मृत्यु हुइल प्रहरी जनैले बा ।

अन्य दुई जाने घाहिल हुइल बाटै । घाहिल दुई जनहनके उपचारके लाग मंगलसेन पठाइल बा । कालागाउँस्थित ठाँटीसे खाँटओर जैटी रहल अन्टेस्ट जेसीबी सडकसे ७० मीटर टरे गिरल प्रदेश ट्राफिक प्रहरी कार्यालय अत्तरिया जनैले बा । चालक भर फरार रहल प्रहरी जनैले बा ।