अति विपन्न कोरोना प्रभावितहे स्वास्थ्य तथा सरसफाई सामग्री हस्तान्तरण
पहुरा समाचारदाता
धनगढी, ४ सावन । दलित महिला अधिकार मञ्च अति विपन्न कोरोना प्रभावितहुकनके लाग धनगढी उपमहानगरपालिकाके स्वास्थ्य शाखाहे स्वास्थ्य तथा सरसफाई सामग्री हस्तान्तरण करले बा ।
संस्थाके अध्यक्ष सावित्रा घिमिरे धनगढी उपमहानगरपालिकाके उपप्रमुख सुशीला मिश्रभट्ट ओ स्वास्थ्य शाखा प्रमुख कृष्णबहादुर बोहराहे उ स्वास्थ्य तथा सरसफाई सामग्री हस्तान्तरण करल हो । संस्थासे हस्तान्तरण करल स्वास्थ्य तथा सरसफाई सामग्रीमे हाइजिनिक किट १०० बक्स, फेस शिल्ड १०० पीस, थर्मामिटर १०० पीस, डिटोल लहैना साबुन १०० पीस, डिटोल एन्टीसेप्टीक २५० एमएल १०० पीस, हायण्ड सेनिटाइजर ५०० एमएल १०० पीस, वासिङ सोप १०० पाकेट, फेस मास्क १०० पाकेट, ग्लोव १०० पाकेट, थर्मस १०० पीस, सेनिटाइजर ५ लिटर १०० पीस, टिसु पेपर १०० पाकेट रहल बा ।
संस्थाके अध्यक्ष घिमिरे डफ परियोजना अन्तर्गत कोभिड–१९ के दुसरा लहर प्रतिकार्य २०२१ अति विपन्न ३ सय कोरोना प्रभावितहुकनहे डेहक लाग धनगढी उपमहानगरपालिका मार्फत स्वास्थ्य तथा सरसफाई सामग्री हस्तान्तरण करल बटैली ।
ओस्टके धनगढी उपमहानगरपालिका वडा नम्मर १८ फुलवारीमे फेन मञ्चसे अति विपन्न कोरोना प्रभावितके लाग एकल महिला ,दलित, बिपन्न परिवार,गर्भवति महिलाहे आईएमई सेन्टरसे रु ४ हजार ५ सयके दरसे रकम हस्तान्तरण करले बा ।
संस्थाके अध्यक्ष सावित्रा घिमिरे प्रभावित परिवारहे आईएमई सेन्टर मार्फत रकम हस्तान्तरण करल हुइटी । संस्थासे ५ सय अति विपन्न कोभिड प्रभावितहुक्रनहे ४ हजार ५ सयके दरसे रकम हस्तान्तरण करल जानकारी कराइल बा । कार्यक्रममे वडा नं १८ वडा सदस्य गणेश विक, संस्थाके कोषाध्यक्ष निर्मला विक, सदस्य ईन्द्रा दानपाली,रोहित विक, सृजना पराजुली, राजेन्द्र रैकाके सहभागिता रहल रहे ।
