आजके मौसमः यी चार प्रदेशमे भीषण वर्षाके सम्भावना

काठमाडौं, ५ सावन । जल तथा मौसम विज्ञान विभागके मौसम पूर्वानुमान महाशाखाके अनुसार आज बागमती, गण्डकी, लुम्बिनी ओ सुदूरपश्चिम प्रदेशके कुछ स्थानमे भीषण वर्षा हुइना सम्भावना बा ।

मंगरके रोज बिहान देशभर सामान्यसे पूर्ण बदली रहिके कुछ स्थानमे हल्का वर्षा हुइटा । दिनके फेन देशभर मौसम बदली रहिके अधिकांश स्थानमे वर्षाके सम्भावना रहल मौसम पूर्वानुमान महाशाखा जनैले बा ।

बागमती, गण्डकी, लुम्बिनी ओ सुदूरपश्चचिम प्रदेशके कुछ स्थानमे भीषण वर्षाके सम्भावना बा ।
रातके देशभर सामान्यसे पूर्ण बदली रहिके टमान स्थानमे हल्कासे मध्यम वर्षाके सम्भावना बा । गण्डकी ओ लुम्बिनी प्रदेशके कुछ स्थानमे भर भीषण वर्षाके सम्भावना रहल मौसम पूर्वानुमान महाशाखा जनैले बा ।